भांगरभूंय | प्रतिनिधी
संवसारांतलो दिग्गज टॅनीस खेळगडो नोवाक जोकोवीचान 11वे खेपे ऑस्ट्रेलियन ओपनाचे सेमी फायनलींत सुवात मेळयली. सुमार चार वरां चलिल्ले मॅराथॉन मॅचींत अमेरिकेच्या टेलर फ्रिट्जाक 7-6, 4-6, 6-2, 6-3 अशा चार सेटांनी हारयलो. जोकोवीच सेमी फायनलींत यानीक सिनरा आड खेळटलो. सिनरान पांचव्या सिडा वयल्या आंद्रे रुबलेवाक हारयिल्लो.
24 ग्रॅण्ड स्लॅम किताब जिखपी जोकोवीच मॅलबॉर्न पार्काचेर जाल्ल्यो सगल्यो 10 सेमी फायनली आनी फायनली जिखल्यात. तो चारू ग्रॅण्ड स्लॅम धरून 48वे खेपे सेमी फायनलींत पावला.
जोकोवीचान फ्रिट्सा आड एक मॅच सोडून बाकीच्यो सगल्यो मॅची सरळ सेटांनी जैत जोडलां. 2021त ह्या खेळगड्यां मदीं जाल्ली मॅच पांच सेटां मेरेन चलिल्ली.
मजगतीं, बायलांच्या एकोड्या गटांत कोको गॉफान युक्रेनाचे मार्ता कोस्त्युकाक 7-6, 6-7, 6-2 अशा तीन सेटांनी हारयली. कोको आतां फुडले मॅचींत सध्याची वस्ताद आर्यना सबालेंका आड खेळटली.
मजगतीं, जोकोवीचाक म्हान मार्गारेट कोर्टाचो 24 ग्रॅण्ड स्लॅम किताबाचो विक्रम मोडपाची संद आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
