भांगरभूंय | प्रतिनिधी
सर्बियाचो नोवाक जोकोवीच दोन वर्सांनी पयले खेपे अमेरिकन ओपनांत खेळटलो. ताची नदर विक्रमी 24व्या ग्रॅण्ड स्लॅम किताबाचेर आसतली. पोरूं कोरोना लस घेवंक नाशिल्ल्यान ताका अमेरिकेंत प्रवेश घेवपाची परवानगी मेळूंक नाशिल्ली. कॅलिफोर्निया आनी फ्लोरिडा सर्तींनी लेगीत वांटो घेवपाक मेळूंक नाशिल्लो. अमेरिकन ओपनाक फाल्यांच्यान सुरवात जाता.
पोरूं आपल्याक खेळपाक मेळूंक नाशिल्ल्याचें दुख्ख जालें. पूण, अंदूं खेळपाक मेळटा म्हणून खोशी जाता. भुतकाळांतल्या गजालींचेर विचार करचे परस फाल्यांच्यान सुरू जावपी सर्तीचेर फॉकस आसा अशें जोकोवीचान म्हणलें.
2021तले अमेरिकन ओपनाचे फायनलींत ताका दानील मेदवेदेवा आड हार घेवची पडिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
