भांगरभूंय | प्रतिनिधी
सर्बियाच्या नोवाक जोकोविचाचें अमेरिकन ओपनांतलें आव्हान सोंपलें. अमेरिकन ओपन सर्तींत फाटल्या 16 वर्सांत पयलेच खेपे जोकोविच तिसरे फेरयेंत हारलो. 28व्या मानांकनाच्या ऑस्ट्रेलियेच्या अलेक्सी पोपिरनान हो धपको दिवपी निकाल नोंदयलो.
चार खेपे अमेरिकन ओपन जिखपी जोकोविचाक ऑस्ट्रेलियेच्या खेळगड्या कडल्यान 6-4, 6-4, 2-6 आनी 6-4 अशा चार सेटांनी हार घेवची पडली. हे हारीक लागून 25वो ग्रॅण्ड स्लॅम किताब जिखपाच्या जोकोविचाच्या सपनांक सध्यातरी ब्रेक लागला.
जोकोविचान 14 डबल फॉल्ट केले. तशेंच 49 अनफोर्स अॅरर केले. 2017 उपरांत पयलेच खेपे ग्रॅण्ड स्लॅम वस्तादपणा बगर हंगामाचो शेवट करतलो.
ऑस्ट्रेलियन ओपनाचे फायनलींत ताका जॅनीक सिन्नरान हारयिल्लो. फ्रॅंच ओपनांत ताका स्पेनाच्या कार्लोस अल्काराजा कडल्यान हार घेवची पडिल्ली. विम्बल्डनांत ताचें आव्हान तिसरेच फेरयेंत सोंपिल्लें. त्या वेळार लेगीत ताका पोपिरिनान 4-6, 6-3, 6-4 आनी 7-6 असो हारयिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
