भांगरभूंय | प्रतिनिधी
त्बिलीस, खबरां संस्था: जॉर्जियांतल्या गुडौरी हांगच्या स्की रिसॉर्टांत सोमारा ११ भारतीयां सयत १२ जाणांक मरण आयलें. १२वी व्यक्ती जॉर्जियाचीच आसा. पुलिसांनी दिल्ले, हे सगळे रिसॉर्टच्या दुसरे माळयेर एके कुडींत न्हिदिल्ले. कार्बन मोनॉक्सायड गळटेक लागून तांकां घुस्मटून मरण आयलें.
पुलिसांनी सांगलें, मुळाव्या तपासांत ताच्या शरिराचेर मारपेट वा हेर कसल्योच जखमो नाशिल्ल्यो. जॉर्जियाची राजधानी त्बिलिसी हांगा आशिल्ल्या भारतीय दूतावासान हे घडणुकेचेर दुख्ख उक्तायलें. दुतावासान सांगलें, ‘‘मरण आयिल्ल्यांच्यो कुडी बेगीनूच भारतांत धाडच्यो. हे खातीर आमी थळाव्या अधिकार्यां वांगडा काम करतात.’’
जॉर्जियाच्या गृह मंत्रालयान हे घडणुकेची चवकशी सुरू आशिल्ल्याचें सांगलें. सीएनएन प्रमाण, कामगारांच्या बेडी लागसारा एक जनरेटर सांपडिल्लो. लायट गेले उपरांत तो चालू केला जवंये. तातुंतल्यानूच गॅसीची गळटी जाली. मरण आयिल्ल्यांची वळख आजूनय जाहीर जावंक ना.
सध्या गुडौरी हांगा रातच्या वेळार तापमान उणें १५ अंशा मेरेन वता. हिटरा बगर हांगा रात घालोवप जिवघेणें थारपाक शकता. ताका लागून हांगा रावपी लोक कुडींची उश्णतायेची वेवस्था करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
