भांगरभूंय | प्रतिनिधी
पणजी: गोंय राज्य जैवीक विविधताय मंडळान जैवीक विविधताय सांबाळ पुरस्कार 2023 खातीर अर्ज मागयल्यात. जैवीक विविधताय सांबाळ पुरस्कार पांच वर्गांनी दितात. जैवीक विविधताय वेवस्थापन समिती- उत्तर आनी दक्षीण गोंय दरेकी एक, वैयक्तीक वर्ग- उत्तर आनी दक्षीण गोंय दरेक एक, जैवीक विविधताय संशोधन क्षेत्र- एक पुरस्कार, जैवीक विविधताय वाटोवप आनी पुर्नस्थापना आनी संबंदीत मळावेलो वावर-एक पुरस्कार आनी हरीत पत्रकार-एक, अशा वर्गांत पुरस्कार दितात.
तशेंच मंडळान जैवीक विविधताय सांबाळ मळार वावर करपी व्यक्तिंची सु-मोटो दखल निर्णय घेतला आनी हे बाबतीत गोंय राज्य जैवीक विविधताय मंडळान, जैवीक विविधताय वेवस्थापन समिती आनी आदले जैवीक विविधताय पुरस्कार जैतवंतांक सु-मोटो शिफारस करप शक्य जातलें.
नामांकन अर्ज मंडळाच्या [email protected] हे वेबसायटीचेर उपलब्ध आसून ते भरून गोंय राज्य जैवीक विविधताय मंडळ, साळगांव सेमिनारी सामकार, साळगांव बार्देस हांगा सुपुर्द करचे वा [email protected] वा [email protected] चेर ई-मेल करचे.
नामांकन अर्ज स्विकारपाची निमाणी तारीख 18 मे 2023 आशिल्ल्यान निमण्या दिसा सांजेच्या 4.30 वरां मेरेन अर्ज गोंय राज्य जैवीक विविधताय मंडळाच्या कार्यालयांत पावपाक जाय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
