भांगरभूंय | प्रतिनिधी
भांगरभूंय । प्रतिनिधी
सावयवेरेंः विविधताय जिणेंत सामकी गरजेची आसता. सैमांत सगळे कडेन विविधताय आसा. सांस्कृतीक आनी दिसपट्टे जिणेत आमी विविधतायेचो स्विकार करतात. तिचे कडेन सैमीक आनी गरजेची प्रक्रिया म्हणून पळोवपाक जाय अशें तरणाटो उद्देजक आनी जिवाणी इश्ट रजन बाक्रे हाणे सावयवेरेंच्या कृशी म्हाविद्यालयांत आयोजीत केल्ल्या व्याख्यानांत सांगलें.
पयलीचे शेतकार परंपरागत पद्दतीन शेत वेवसाय करतना जैवविविधताय कशी सांबाळटाले हाची हाच्यो जायत्यो देखी ताणे दाखयल्यो. एकपीक पद्दत, हायब्रीड आनी जीएम बियाणांचो वापर धोक्याचो आशिल्ल्याचे सांगतना पारंपरिक शेती पद्दतींत गरजे प्रमाण तंत्रगिन्यानांत जाय ते बदल करून आधुनीक गजालीं कडेन जुळोवन घेवन शेतां करप उदरगतीचे नदरेन गरजेचें आसा अशेंय तांणे सांगलें.
सैमाची संतुळा सांबाळटना फावो ते मार्केटींग पद्दत आपणावन तरणाटे पिळगेन किफायतशीर कृशी उद्देगाचें स्वरुप लोकां सामकार हाडपाचें आवाहन बाक्रेन विद्यार्थ्यांक केलें. व्याख्यानाक म्हाविद्यालयाचो समन्वयक नागेश प्रभू दाभोलकार, प्रा. लक्ष्मी साथियान हाजीर आशिल्ली. स्मिता वांयगणकारान सूत्रसंचालन केलें आनी विद्यार्थी प्रतिनिधी विराज साळुंकेन सगल्यांक येवकार दिलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
