भांगरभूंय | प्रतिनिधी
जेवतना उदक केन्नाच पियेवचें न्हय, असो सल्लो आमकां सदांच दितात. कारण ताका लागून जेवण सारकें पचना आनी पोटांत त्रास जावंक शकता. पूण कांय जाण जेवतना उदक पियेवंक शकतात आनी दुयेंसां पासून पयस रावूंक शकतात हें आयकून तुमकां अजाप जातलें. पोशण शास्त्रज्ञ रमिता कौर म्हणटाl, जेवतना उदक पियेवंक मेळटा, पूण ताची एक योग्य पद्दत आसा. उदक पिवपाचे हे आयुर्वेदीक पद्दतीन बद्धकोश्टताय (कोट्याची पिडा), अपचन, वायू, मूळव्याध ह्या सारक्या दुयेंसा पसून सुटका मेळूं येता.
पचनक्रियेत समस्या आसा जाल्यार जेवणा वांगडा थोडें उदक पियेवप बरें. पूण याद दवरात, चड उदक पियोवं नाकात. जेवतना उदक पियेवपाचें आसल्यार योग्य पद्दत शिकात. जेवतना उदक पियेल्यार एक वेळार एक घोट उदक पियेवचें. गटगट करून उदक पियेवप चुकीचें. जेवणा वेळार एक- एक घोट उदक घेतल्यार ताचे ल्हान भागात विभाजन जाता. जाका लागून खाणाची पचनक्रिया जावपाक मजत जाता.
आयुर्वेदाच्या मतान जेवले उपरांत रोखडेंच उदक पियेवप टाळचें, कारण जेवल्या उपरांत अन्न पचपाक उपेगी पडपी आम्लांत उदक भरसता आनी ताका लागून ताचो परिणाम उणो जाता. पचन प्रक्रिया मंद जाता. ताका लागून पचनक्रिया संबंदीत दुयेंसाक तोंड दिवचें पडटा. अन्न पचपाचे प्रक्रियें वेळार जायते विखारी पदार्थ तयार जातात. ते कुडीक हानी करपाक शकतात. जेवतना उदक योग्य पद्दतीन पियेल्यार कुडींतल्यान हे विखारी पदार्थ भायर काडपाक मजत जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
