भांगरभूंय | प्रतिनिधी
मुरगांव: जेटी सडा हांगासरल्या सुसेनाश्रमम विद्यालय पालक शिक्षक संघटणेचे साबार बसकेंत स्मार्टफोनाच्या वापराक लागून विद्यार्थ्यांचेर जावपी वायट परिणाम ह्या विशयाचेर पालकांक मार्गदर्शन केलें.
संघटणेच्यो अध्यक्ष अनिता तांडेल हांचे अध्यक्षताये खाला घेतिल्ले बसकेंत महाराष्ट्रांतल्या बांदा हांगासरल्या कौस्तूभ पेंडसे आनी राजेश वालावलकार, पर्वरेचे रोहिदास केरकार, बोगदा रुमडावाडाचे शांताराम साळगांवकार हांणी पालकांक मार्गदर्शन केलें.
भुरग्यांनी मोबायलाचो वापर करतना घेवपाची जतनाय तशेंच पालकांची भुमिका हाचेर विस्तारान म्हायती दिली. ह्या वेळार पालकांनी विचारिल्ल्या प्रस्नांच्यो जापो दिल्यो.
माचयेर अनिता तांडेल, मुख्याध्यापिका सुनिता पवार, भांडारी शैलाबाई जाधव आनी वांगडी आरती शेट्ये हाजीर आशिल्ल्यो.
मुख्याध्यापिका पवार हांणी आपल्या येवकाराच्या उलोवपांत शाळेंतल्या वेगळ्यावेगळ्या उपक्रमा विशीं म्हायती दिली, आनी सोयऱ्यांची वळख करून दिली. सचीव तशेंच शिक्षिका संगिता कुंभार हांणी अहवाल वाचन, सुत्रसंचालन आनी उपकार आठयले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
