जेईई, नीट परिक्षांचें मार्गदर्शन

भांगरभूंय | प्रतिनिधी

विज्ञान फाट्यांत येवपी आनी येवपाक सोदपी जायत्या जाणांक गळ्यांत स्टेट्सस्कोप आनी धव्या रंगाचो एप्रन आंगार आसतलो, हें सपन पुराय जावपाक गोंयची प्रवेश परिक्षा दिवची पडटाली. पूण कायं वर्सां सावन नीट परिक्षा दिवप बंधनकारक जाला. ती परिक्षा देशभरांतल्या विद्यार्थ्या खातीर आसता. साहजिकूच ती कठीण आसता. हाचे खातीर बरेच विद्यार्थी मार्गदर्शन घेवपाक तयार आसतात. हे खातीर पणजे, फोंड्यां वतात. पूण सगल्यांक तें जमताच अशें ना. हे खातीर ते पर्याय सोदताले. तांचे खातीर सोनू राठोड हांच्या आॅनलायन वर्ग हो एक पर्याय आसूं शकता. आॅनलायन वर्गाचो लाव तुमी खंयच्यानूय घेवं शकतात. सोनू हांणी शिक्षण घेतले उपरांत कांय वर्सां नोकरी केली खरी पूण विद्यार्थ्यांचें दुख्ख समजून घेवन तांणी हे वर्ग सुरू केले. कोटा आनी जयपूरांत तांचीं दोन केंद्रां आसात. हे वर्ग शिकयतना वा घेतना तांणी कांय जाणांक रोजगारुय दिला.
करियर म्हूण हो वेवसाय बरो आसूं शकता. आतां नोकरी मेळपाची संद उणी जायत आसा. तातूंत स्वयंपूर्ण जावपाचे वेवसाय जरी आसले तरी तातूंत सर्त ही आसा, पूण मार्गदर्शनाचे वर्ग तशे पळयत जाल्यार उणेच. खास करून नीट, जेईई परिक्षेचें मार्गदर्शन दिवपी. तेन्ना हाचो विचार करुं येता. पणजे, फोंडें सारकीं शारां सोडलीं जाल्यार गोंयच्या हेर वाठारांतल्यान तुमकां मागणी येवं येता. मार्गदर्शन मेळना म्हूण जायते विद्यार्थी ह्या परिक्षांचे वाटेक वचनात. सोनू तुमचे सारकोच शिकलो खरो म्हूण ताका विद्यार्थ्यांचें दुख्ख कळटालें म्हूण ताणें कांय वर्सां नोकरी करून ती सोडली आनी परिक्षेचें मार्गदर्शन दिवपाक सुरवात केली. कोटा शारांत शेंकड्यांनी भुरगे शिकपाक वतात. तांकां थंय रावचें पडटा. तें सगल्यांकूच परवडटा अशें ना. खूब पयशे लागतात. आॅनलायन पद्दतींत तुमकां थंय वचून रावपाचो प्रस्नूच येना. तुमी जंय रावतात, थंयच्यान शिकूं शकतात. तुमचें सपन पुराय करपाक शकतात.
सोनून सुरू केल्ल्या वर्गांक विद्यार्थ्यांची खूब गर्दी आसता. हाचें कारण म्हणल्यार तांची शिकोवपाची पद्दत. एखाद्या विद्यार्थ्याक सहजपणान कळची म्हूण तांची पद्दत ते दुसऱ्यांचें पळोवन शिकले. जेईई, नीट परिक्षेचे ते मार्गदर्शन करतात. ते खातीर तांणी जयपूर, कोटांत खाशेले अध्यापक दवरल्यात. जर तुमकां तांच्या ह्या वर्गाचो लाव घेवपाचो आसा, तर मुजरत तांकां फोन करचो नाजाल्यार फेसबुकाचेर ताची म्हायती घेवची. तांचो फोन आसा- 96678 90767. गोंयांत दोतोरकी शिकपाक प्रवेश घेवप्यांक कांय वर्सां पयलीं गोंयची प्रवेश परिक्षा दिवची पडटाली. पूण आतां तिची सुवात नीट परिक्षेन घेतली. हे परिक्षेक देशांतले पांच लाख विद्यार्थी बसतात. ती तशी कठीण आसता. देकून विद्यार्थ्यांक मार्गदर्शन घेवचें पडटा. पूण गोंयचो विचार केल्यार पणजी, फोंडें हीं शारां सोडल्यार हेर कडेन अशें मार्गदर्शन मेळना. ही परिक्षा सर्ती सारकी आशिल्ल्या कारणान विद्यार्थी गोंदळटात, म्हूण मार्गदर्शन घेवचें पडटा. गोंयांतल्या शाळांची इत्सा आसूनय तांकां हें मार्गदर्शन दिवपाक मेळटाच अशें ना. दुसरे वटेन जेईई परिक्षेक चड म्हत्व आयलां. एकतर गोंयांत जावपी प्रवेश परिक्षा कायमची रद्द जाल्या. हे परिक्षेच्या गुणांचेर तुमचो अभियांत्रिकी प्रवेश थारातलो जरी आमचे लागीं पांच- स म्हाविद्यालयां आसात तरी लेगीत.
सोनू राठोड हे जेईई, नीट परिक्षांचें मार्गदर्शन तुमकां आॅनलायन दितात. हेरांची आनी सोनू हांची पद्दत वेगळी आसा. ते सोंपे तरेन शिकयतात, हें आदींच सांगलां. पूण ते विद्यार्थ्यांक कळटलें अशे पद्दतीन शिकयतात. म्हणून तांकां दोन केंद्रां सुरू करचीं पडलीं.

प्रा रामदास केळकार
9822583275