भांगरभूंय | प्रतिनिधी
नवी दिल्ली, खबरां संस्था ः भारतांत जून म्हयन्यांत शिवराक थाळयेचे दर वर्सुकी 10 टक्क्यांनी वाडून 29.40 रुपया जालें. फाटल्या वर्सा जून 2023 वर्सा शिवराक थाळयेचो खर्च 26.7 रुपया आशिल्लो. शुक्रारा (5 जुलय) जाहीर केल्ल्या म्हयन्याळ्या अन्न प्लेट दर निर्देशांकांत CRISIL न ही म्हायती दिल्या.
फाटल्या म्हयन्याच्या मेच्या तुळेंत जूनांत शिवराक थाळयेचे दर 5.75 टक्क्यांनी वाडल्यात अशें क्रिसीलान सांगलें. मे म्हयन्यांत शिवराक थाळयेचो खर्च 27.80 रुपया आशिल्लो. जाल्यार मे 2023 वर्सा शिवराक थाळयेचे खर्च 25.50 रुपया आशिल्लो.
जून म्हन्यांत मांसाहारी थाळयेचे दर वर्सुकी 4 टक्क्यांनी देंवून 58.30 रुपया जालें. फाटल्या वर्सा जून 2023 वर्सा मांसाहारी थाळयेचे दर 60.50 रुपया आशिल्लें.
पूण मे म्हयन्याच्या तुळेंत जून म्हयन्यांत मांसाहारी थाळयेचे दर 4.29 टक्क्यांनी वाडल्यात. मे म्हयन्यांत मांसाहारी थाळयेचे दर 55.90 रुपया आशिल्ले. जाल्यार मे 2023 वर्सा शिवराक थाळयेचो खर्च 59.90 रुपया आशिल्लो.
टोमॅटो, बटाट आनी कांद्यांक लागून शिवराक थाळयेचो दर वाडलो
क्रिसिलाच्या अहवाला प्रमाण टोमॅटो (30%), बटाट (59%) आनी कांदो (46%) हांचे दर वाडिल्ल्यान शिवराक थाळयेच्या दरांत वाड जाल्या. तांदूळ (13%) आनी दाळ (21%) हांचेय दर वर्सुकी आदाराचेर वाडल्यात.
चिकनाचो दर देंविल्ल्यान मांसाहारी थाळयेचे दर देंवले
ब्रायलर म्हळ्यार चिकनाचें मोल 14 टक्क्यांनी देंविल्ल्यान मांसाहारी थाळयेचे दर उणे जाल्यात अशें क्रिसिल हांणी सांगलें. पूण दर म्हयन्याक चिकनाच्या दरांत 1 टक्क्यांनी वाड जाल्या. मांसाहारी थाळयेच्या खर्चांत ब्रायलरांचो वांटो 50% आसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
