भांगरभूंय | प्रतिनिधी
प्रकल्पाचो ईआयए अहवाल तयार: २७०.०७ कोटी खर्च
पणजी : जुवारी पुलाचेर जावपी ऑब्जर्वेटरी टॉवरा खातीर फावो ते जमिनीचें संंपादन पुराय जालांं. प्रकल्पाचो पर्यावरणी अहवाल (ईआयए) तयार जावन जीसीझेडएमएची मान्यताय मेळ्ळे उपरांंत प्रकल्पाक सुरवात जातली.
भौशीक बांंदकाम खात्याचे मंत्री दिगंंबर कामत हांंणी लेखी जापेंत ही म्हायती दिल्या.
जुवारी पुलाचेर पर्यटक तशेंच जनते खातीर ऑब्जर्वेटरी टॉवर उबारपाचो प्रस्ताव आसा. आब्जर्वेटरी टॉवरा खातीर २३ मे २०२५ ह्या दिसा बुनियादी फातर घालो. ऑब्जर्वेटरी टॉवरा खातीर २७०.०७ कोटी रूपया खर्च येतलो. हो सगळो खर्च कंत्राटदार करतलो. सरकाराक एकूय पयसो खर्च करचो पडचो ना. डिजायन, बिल्ट ऍन्ड ऑपरेट ह्या तत्वाचेर ऑब्जर्वेटरी टॉवराची उबारणी जातली. कंत्राटदार ५० वर्सां खातीर टॉवर चलोवन सरकाराक महसूल दितलो, अशें भौशीक बांंदकाम खात्याचे मंत्री दिगंबर कामत हांंणी म्हणलां.
पुलाच्या कुठ्ठाळे वटेन ३० हजार चौकण मिटर जाल्यार आगशी वटेन २७ हजार चौकणी मिटर जमनीचो पार्किंगा खातीर वापर जातलो. ही जमीन पुल बांंदतनाच संंपादीत केल्या. तशेंच पुलाच्या कामा खातीर हंंसा कडल्यान मान्यताय मेळ्ळ्या. जीसीझेडएमएकडेन ईआयए अहवाल सादर केला. जीसीझेडएमएची मान्यताय मेळ्ळे उपरांत पुलाचें काम सुरू जातलें, अशेंं भौशीक बांंदकाम खात्याचे मंत्री दिगंबर कामत हांंणी लेखी जापेंत स्पश्ट केलांं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
