भांगरभूंय | प्रतिनिधी
नवी दिल्ली, खबरां संस्था: जुलय म्हयन्यांत ६ व्हडले बदल जातात. आयच्यान रेल्वे प्रवास चड म्हारग जालो. तत्काल तिकीट बुक करपा खातीर तुमकां तुमचें आयआरसीटीसी खातें आधारा कडेन जोडचें पडटलें. हाचे भायर आतां पॅन कार्ड करपा खातीर आधार कार्ड सक्तीचें जालां.
आयच्यान, १९ किलोचो वयक्तीक गॅस सिलिंडर ५८.५० रुपयांनी सवाय जाला. दिल्लीक ताची किंमत १६६५ रुपयांचेर आयल्या. आदीं तो १७२३.५० रुपयांक उपलब्ध आशिल्लो. मुंबयंत तो १६१६.५० रुपयांक उपलब्ध आसा. ताची किंमत १६७४.५० रुपयांनी उणी जाल्या.
आयच्यान जाल्ले ६ बदल…
१. रेल्वे प्रवास म्हारग जालो: एसींत १००० किमी प्रवासा खातीर तुमक २० रुपया चड दिवचे पडटले.
आयच्यान रेल्वेचो खर्च वाडला. नॉन-एसी मेल/एक्सप्रेस गाडयांचें भाडे दरेका किलोमीटर १ पयशे आनी एसी क्लासचें भाडें दरेका किलोमीटराक २ पयशांनी वाडलां. रेल्वेक जावपी वाडत आशिल्लो खर्च आनी देखभाल खर्च लक्षांत घेवन हो निर्णय घेतला.
२. तत्काळ तिकीट बुटींग: आधार आयआरसीटीसी खात्याक लींक आसप गरजेचें
आतां, तत्काळ तिकिटे बुक करतना, प्रवाशांक आधारा वरवीं डिजिटल पडताळणी करची पडटली. म्हणल्यार तुमकां तुमचो आधार आयआरसीटीसी खात्या कडेन लिंक करचें पडटलें. आधार पडताळणी केल्ल्या वापरकर्त्यांक तिकीट बुकींग मजगतीं ओटीपी मेळटलो, जो एंटर करून ते पडताळणी पुराय करपाक शकतले. तशेंच तिकेटूय बूक करपाक मेळटली.
३. पॅन कार्डाचे नेम: जर तुमचे कडेन आधार ना जाल्यार तुमकां पॅन कार्ड मेळचें ना
सरकारान पॅन कार्डच्या नेम बदल्ल्यात. १ जुलय २०२५ सावन पॅन कार्डा खातीर अर्ज करपाक आधार कार्ड सक्तीचें केलां. जर तुमचे कडेन आधार ना जाल्यार तुमकां पॅन मेळचें ना.
४. UPI वेव्हार: आता पेमेंट करतना मूळ प्राप्तकर्त्यांचें नांव दितले
NPCI न एक नवो नेम लागू केला. जाचे खाला UPI पेमेंट करतना, वापरकर्त्याक फकत निमाण्या लावार्थीचें म्हळ्यार खर्या प्राप्तकर्त्याचें बँकींग नांव दिसतलें. QR कोड वा संपादीत नांवां ह्यान फुडें दिसचीं ना. सगल्या UPI ऍप्सांक ३० जून सावन हो नेम लागू करपाक सांगलें.
५. एमजी गाडी म्हारग : कंपनीन किमती १.५% मेरेन वाडयल्यो
जर तुमी एमजी गाडी विकत घेवपाचो विचार आसल्यार आतां तुमकां तांचे चड पयशे मेजचे पडटले. जेएसडब्ल्यू-एमजी मोटर इंडियान तांच्या गाडयेचे किमतींत १.५% मेरेन वाड जाहीर केल्या. ही वाड कंपनीच्या सगल्या मॉडेल्सांचेर वेगळी आसतली.
६. गॅस सिलेंडर सवाय : वेवसायीक सिलेंडराची किंमत रु. ५८.५० न उणी जाल्या
आयच्यान, १९ किलोचो वेवसायीक गॅस सिलिंडर ५८.५० रुपयांनी सवाय जाला. दिल्लीक ताची किंमत १६६५ रुपयांचेर आयल्या. आदीं तो १७२३.५० रुपयांक उपलब्ध आशिल्लो. मुंबय तो १६१६.५० रुपयांक उपलब्ध आसा, आदीं ताची किंमत १६७४.५० रुपयांनी उणी जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
