भांगरभूंय | प्रतिनिधी
नवी दिल्ली, खबरां संस्था ः जुलयांत युनिफायड पेमेंट इंटरफेस म्हळ्यार यूपीआय वरवीं 1,444 कोटी वेव्हार जाले. ह्या काळांत वट्ट 2,064 लाख कोटी रुपया हस्तांतरीत जाले. फाटल्या वर्साच्या जुलय म्हयन्यांच्या तुळेंत वेव्हारांचो आंकडो 45 टक्क्यांनी वाडला.
जुलय 2023 वर्सा यूपीआय वरवीं 9,964 कोटी वेव्हार जाले आनी ताचे वरवीं 15.33 लाख कोटी रुपयांची रक्कम हस्तांतरीत केल्ली. ही रक्कम एका वर्सात 35 टक्क्यांनी वाडली. जुलय 2024 वर्सा दिसपट्ट्या सरासरी वेव्हारा विशीं तें 46 कोटी 60 लाख आशिल्लो आनी तातूंत 66,590 कोटी रुपयांची रक्कम हस्तांतरीत जाली.
जून म्हयन्याचे तुळेंत वाड
जून म्हयन्याचे तुळेंत वेव्हारांत 3.96 टक्क्यांनी वाड जाल्या आनी हस्तांतरीत केल्ली रक्कम 2.84 टक्क्यांनी वाडल्या. जून 2024 वर्सा यूपीआय वरवीं 1,389 कोटी वेव्हार जाले आनी ताचे वरवीं 20.07 लाख कोटी रुपयांची रक्कम हस्तांतरीत जाली. युपीआय नियंत्रीत करपी संस्था नॅशनल पेमेंट्स कॉर्पोरेशन ऑफ इंडियान (NPCI) हे वेव्हाराचे आंकडे जाहीर केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
