भांगरभूंय | प्रतिनिधी
भांगरभूंय । प्रतिनिधी
वास्कोः जी 20 शिखर परिशदेच्यो गोंयांत जावपी बसकाचे नदरेन मुखेल सचीव पुनितकुमार गोयल, परिशदेचो नोडल अधिकारी तशेंच शिश्टाचार सचीव संजीत रॉड्रिग्ज आनी हेर सरकारी अधिकाऱ्यांनी दाबोळी विमानतळ वाठारांत सुरक्षेचे नदरेन जोड तपासणी केली
जी 20 शिखर परिशदेच्यो आठ बसका गोंयांत जातल्यो. आमच्या राज्यांचें सामकें बरे चित्र आमकां संवसाराक दाखोवपाचें आसा. ते खातीर आमी ही जोड तपासणी केल्या अशें गोयल हाणे पत्रकारांक सांगलें. बसका जावपाच्या वाठारांतले रस्ते चकचकीत केल्यात. गोंयांतल्यो बसका येसस्वी जावच्यो हे खातीर राज्य आनी केंद्र सरकाराच्या खात्यां मदीं जायतसो समन्वय घडोवन हाडटले अशें संजीत रॉड्रिग्ज हांणे सांगलें. दाबोळी विमानतळ बसकेक येवपी प्रतिनिधींची सरबराय करपाक तयार आसा अशें विमानतळ संचलाक धनंजय राव हाणे सांगलें.
दक्षीण गोंय पुलीस अधिक्षक अभिषेक धनिया. येरादारी अधिक्षक प्रबोध शिरवयकार, वास्को येरादारी निरीक्षक शैलैश नार्वेकार, विमानतळ येरादारी निरीक्षक राहुल धामस्कार आनी हेर खात्याच्या प्रतिनिघींनी विमानतळ वाठाराची पळोवणी केली. जी 20 खातीर राजभवनांत राज्यपाल पी श्रीधरन पिल्लय हांणी उच्चाधिकार समितीची बसका घेतिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
