जीमेल स्टोरेज भरला?
भांगरभूंय | प्रतिनिधी
भांगरभूंय । खबरां संस्था
जीमेल खातें ही सगळ्यांत चड वापरांत आशिल्ली लोकप्रीय ईमेल सेवा. जायते फावटीं आमकां जीमेल खातें स्टोरेज भरला अशी सुचोवणी मेळटा आनी नवे मेल मेळोवपा खातीर आमकां पोरण्यो मेल डिलीट करच्यो पडटात. वट्ट 15 जीबी फुकट साठवण गुगल वापरप्यांक दिता. हो स्टोरेज ड्रायव्ह, ईमेल, व्हॉट्सअॅप बॅकअप आनी हेर जायत्या गजालीं खातीर वापरतात. तुमचे कडेन एंड्रॉयड फोन आसल्यार 15 जीबी स्टोरेज खूब सोंपेंपणान भरता.
स्टोरेज फुल संबंदी जायते प्रस्न गूगल मंचाचेर येतात. तेन्ना पयले म्हळ्यार म्हयन्याक 130 रुपयांक गुगला कडल्यान 100 जीबी क्लाउड स्टोरेज विकती घेयात. दुसरें गुगल खात्याची स्टोरेज स्पेस क्लियर करप. अतिरिक्त स्टोरेज खरेदी करपाक, तुमकां पयलीं खरेदी करपाक जाय आशिल्ल्या साठवणाची रक्कम वेंचूक जाय. उपरांत तुमी तुमच्या क्रेडीट कार्डाचो तपशील घालून पयशे फारीक करूंक शकतात. हें केल्या उपरांत तुमकां सदस्यताय येवजणेच्या काळा खातीर अतिरिक्त सुवात मेळटली.
तशेंच, नवे ईमेल मेळोवपाक, तुमकां खातें स्टोरेज मेकळे करचे पडटले आनी खातें स्टोरेज 15 जीबी परस उणे आसपाक जाय. तुमी तीन सोंप्या मार्गांनी गुगल खात्याची सुवात मेकळी करूंक शकतात. गुगल ड्रायव्ह, गुगल फोटो, आनी मेलांत आकारा प्रमाण फायली काडून उडोवन तुमी सुवात मेकळी करूंक शकतात.
गुगल ड्रायव्हांतल्यो आकारा प्रमाण फायली काडून उडोवप
- https://drive.google.com/#quota ह्या संकेतस्थळाचेर वचात.
- तुमचे जीमेल खाते लॉग इन करात.
- उपरांत चड जागो वापरिल्ली फायल पयलीं दाखयतले. म्हळ्यार तुमच्यो फायली देंवपी क्रमांकान दिसतल्यो.
- मागीर तुमका गरजेच्यो नाशिल्ल्यो फायल्स तुमी डिलीट करुंक शकतात.
जीमेल काडून उडोवप
- पयली जीमेल डॉट कॉमाचेर (Gmail.com) वचून आपले गुगल खाते लॉग इन करात.
- आतां सोद पर्यायात वचून “has:attachment larger:10M” सोदचें.
- उपरांत तुमकां आकारान 10MB परस व्हड आशिल्ल्या सगळ्या ईमेलांची वळेरी दिसतली.
- आतां तुमकां गरज नाशिल्ले ईमेल निवडात आनी डिलीट बटणाचेर क्लिक करात.
- ते उपरांत ट्रॅशात वचून तुमच्या खात्यांतली सुवात रिकामी करपाक अॅमटी ट्रॅश बटणाचेर क्लिक करात.
- मागीर दाव्या नेव्हिगेशन बारांतल्या स्पॅम फोल्डरांत वचात.
- मागीर डिलीट ऑल स्पॅम मॅसेजीस (Delete all spam messages) हाचेर क्लिक करात.
गूगल फोटोंतले स्टोरेज कशें रिकामें करचें
- पयलीं तुमच्या संगणकाचेर https://photos.google.com/settings चेर वचात.
- मागीर तुमच्या गुगल खात्यांत लॉग इन करात.
- आतां अपलोड क्वालिटी मुळांतल्यान उच्च दर्ज्यांत बदलात.
- हाचे उपरांत गूगल तुमकां स्टोरेज रिकव्हर करपाक सांगतलो. मागीर तुमचे पयलींच अपलोड केल्ले फोटो उच्च दर्ज्यांत रुपांतरीत जातले आनी जागो वाटोवंक मजत करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
