भांगरभूंय | प्रतिनिधी
पणजी : दाबोळेच्या एका तरणाट्याक जीपे ॲपाचो वापर करून ताच्या बँक खात्यांतल्यान २.४ लाख रुपया काडिल्ल्याच्या प्रकरणांत पुलिसांनी शंकर चौहान ह्या चालका आड गुन्यांव नोंद केला.
हे विशीं दाबोळेच्या विनयन के के हांणी पुलीस स्टेशनांत केल्ले कागाळी प्रमाण, शंकर चौहान हो ड्रायव्हर म्हणून काम करतालो आनी ताच्याच घरांत रावतालो. आपलो विस्वास जोडून ३० जून ते आतां मेरेन आपल्या जिपे ॲपाचो वापर करून २, ४०,००० काडले. काडिल्ली रक्कम इश्टाच्या बँक अकावंटांत धाडली. आपल्याक कळयनासतना ताणें ही रक्कम काडून अर्थीक लुकसाण केल्ल्याचें कागाळेंत म्हणलां.
ह्या प्रकरणांत पुलिसांनी भारतीय न्याय संस्थेच्या कलम ३१८ आनी ३१६ (४) हाचे सयत ३(५) आनी म्हायती तंत्रज्ञान कायद्याच्या ६६ सी कलमां वरवीं गुन्यांव नोंद केला. हे विशीं वास्को पुलीस निरीक्षक वैभव नायक हे उपअधीक्षक गुरुदास कदम हांच्या मार्गदर्शना खाला तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
