भांगरभूंय | प्रतिनिधी
पणजीः गोंय लोकसेवा आयोगान (जीपीएससी) शिक्षण खात्यांत सहाय्यक जिल्हो निरिक्षक (एडीईआय)/ग्रेड-1 शिक्षकांच्या 111 पदांचेर भरती करपाची जायरात दिल्या. तातुंतली 60 पदां जनरल कॅटॅगरी खातीर आनी 51 पदां राखून दवरतले. सगळ्या पदां खातीर आयोगाच्या संकेतथळार ऑनलायन अर्ज करपाची निमाणी तारीक 29 ऑगस्ट आसा.
वट्ट पदां मदीं सगळ्यांत चड 11 पदां इंग्लीश विशयाची आसात. ताचे उपरांत गणितांत 10, अर्थशास्त्रांत 9, हिंदी भौतिकशास्त्र, रसायनशास्त्रांत दरेकीं 8, भूगोल आनी इतिहासांत दरेकीं 7, कोंकणी, मराठी आनी जीवशास्त्रांत दरेकीं 6, समाजशास्त्र, मानसशास्त्र आनी सेक्रेटेरीअल प्रॅक्टीस, बुक किपिंग अँड अकाऊंटिंगच्या दरेकीं 5 आनी वेवसायीक अभ्यासांत 4 पदां आसात.
सगल्या पदां खातीर उमेदवारांनी 50 टक्के वा चड गूण मेळोवन पदव्युत्तर पदवी पास केल्ली आसूंक जाय. कांय पदां खातीर बी.एड, बीएबीएड वा बीएससी बीएड केल्ले आसपाक जाय. अर्ज शुल्क ऑनलायन वा ऑफलायन भरले उपरांत अर्ज मान्य करतले. तशेंच अर्ज सादर करचे पयलीं उमेदवारांनी आयोगाच्या संकेतथळार आशिल्लीं सुचोवण्यो वाचूंक जाय अशें आयोगान स्पश्ट केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
