भांगरभूंय | प्रतिनिधी
पणजी ः गोवा लोकसेवा आयोगा वतीन वेगवेगळ्या पदां खातीर जावपी संगणक आदारीत भरती चांचणी (सीबीआरटी) 28 आनी 29 जूनाक जातली. हातूंत मामलेदार, सहाय्यक सरकारी वकील, भूगोल, इंग्लीश आनी रसायनशास्त्राचो सहाय्यक प्राध्यापक, कारखानो आनी बाष्पक निरीक्षक खात्यातलो कार्यक्रम अधिकारी, गॅझेटर खात्यांतलो सहाय्यक संशोधन अधिकारी अशीं पदां आसपावीत आसात. 23 जून मेरेन उमेदवारांनी प्रवेशपत्र डावनलोड करचें असो उलो खात्यान केलां.
उमेदवारांक नियोजीत वेळा पयलीं प्रवेश कार्डाचेर उल्लेख केल्ल्या केंद्रांत हाजीर रावचें पडटलें. उमेदवारांक थंय पावपा खातीर स्वताची वेवस्था करची पडटली. चड म्हायती खातीर उमेदवारांनी आपलो ई-मेल तपासचो अशें आवाहन आयोगान केलां. प्रवेश कार्ड डावनलोड करूंक शकले नाशिल्ल्या उमेदवारांक 24 ते 26 जून ह्या काळांत कार्यालयीन वेळार आयोग कार्यालयांत दितले.हाचे खातीर उमेदवाराचे वळखपत्र आसपाक जाय. प्रवेश कार्ड नाशिल्ल्या उमेदवारांक सीबीआरटी दिवचे नात.
उमेदवारांक नियोजीत वेळा पयलीं प्रवेश कार्डाचेर उल्लेख केल्ल्या केंद्रांत हाजीर रावचें पडटलें. चड म्हायती खातीर उमेदवारांनी आपलो ई-मेल तपासचो असो उलो आयोगान केलां. प्रवेश कार्ड डावनलोड करूंक शकले नाशिल्ल्या उमेदवारांक 24 ते 26 जून ह्या काळांत कार्यालयीन वेळार आयोग कार्यालयांत दितले. हाचे खातीर उमेदवाराचे वळखपत्र आसपाक जाय. प्रवेश कार्ड नाशिल्ल्या उमेदवारांक सीबीआरटी दिवपाक मेळची ना.
वयल्या पदां खातीर सीबीआरटी चांचणी 75 गूणांची आसतली. सीबीआरटी चांचणी पास जावपा खातीर उक्ते आनी अर्थीक नदरेन दुबळे घटकां खातीर (ईडब्ल्यूएस) वर्गांत उण्यांत उणे 45 गूण (60 टक्के), ओबीसी, दिव्यांग आनी स्वातंत्र्य झुजारी भुरग्यांचे (सीएफएफ) उण्यांत उणे 42 गूण (55 टक्के) आनी एससी आनी एसटी उमेदवारांक उण्यांत उणे 38 गूण (50 टक्के) मेळोवप गरजेचें आसा अशें आयोगान स्पश्ट केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
