भांगरभूंय | प्रतिनिधी
मुख्यमंत्र्यां हस्तुकीं नवे प्रशिक्षण वेवस्थापन प्रणालीचें उक्तावण
पणजी : जिपार्ड वतीन विविध खात्यांतल्या अधिकार्यांक आतां प्रशासन तशेंच हेर प्रशिक्षण डिजीटला वरवीं दितले. हे खातीर नव्या प्रशिक्षण वेवस्थापन प्रणालीचें (टीएमएस) उक्तावण मुख्यमंत्री डॉ. प्रमोद सावंत हांचे हस्तुकीं जालें.
इगोट मिशन कर्मयोगी पोर्टलाची म्हायती दिवपी कार्यशाळाय ह्या वेळार जाली. मुखेल सचीव डॉ. वी. कांडावेलू तशेंच हेर सरकारी अधिकारी ह्या वेळार हजर आशिल्ले. नागरी सेवा तशेंच प्रशिक्षण डिजीटल स्वरूपांत कशे तरेन दिवप शक्य आसा, हे विशें हे कार्यशाळेंत मार्गदर्शन केलें. मार्गदर्शना खातीर दिल्लीच्यान इगोटचो पंगड आयिल्लो. ह्यान फुडें प्रशिक्षणा खातीर जिपार्ड हीच मुखेल संस्था उरतली. सगले अधिकारी तशेंच कर्मचार्यांक इगोटा वरवीं प्रशिक्षण दितले, अशें डॉ. सावंत हांणी ह्या वेळार स्पश्ट केलें.
विकसीत गोंय, विकसीत भारताचो हेत साध्य करपाचे नदरेन हें एक म्हत्वाचें पावल आशिल्ल्याचें तांणी मुखार सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
