भांगरभूंय | प्रतिनिधी
महालेखपाल अहवाल
गोंयाचेर 33,573 कोटींचें रीण
महसुलांत 62 टक्के वाड
भांगरभूंय । प्रतिनिधी
पणजी : गोंयचो जीएसडीपी वाडत आसा. 2019-20 त 75,032 कोटी रुपया आशिल्लो जीएसडीपी 2023-24 त 1,06,533 कोटींचेर पावला. 2023-24 त 2022-23 वर्साचे तुळेंत जीएसडीपी वाडीचें प्रमाण 13.73 टक्के आसा. गोंयचो महसूल 5.72 टक्क्यांनी वाडला तशेंच खर्चाचें प्रमाण लेगीत वाडलां. गोंयचो वट्ट खर्च 2022-23 त 18,313 कोटी रुपया आशिल्लो तो 2023-24 त 20,423 कोटींचेर पावलो. ही वाड 11.52 टक्के आसा. महसुलांतली वाड 2022-23 त 2400 कोटी आशिल्ली ती 2023-24 त 1423 जाल्या. अर्थसंकल्पांतली तूट 1027 कोटीं वयल्यान (2022-23) 2148 कोटींचेर (2023-24) पावल्या.
2019-20 ते 2023-24 ह्या पांच वर्सांत गोंयच्या महसुलांत 62 टक्के वाड जाल्या. महसूल 11,297 कोटीं वयल्यान (2019-20) 18,272 कोटींचेर (2023-24) पावला. भांडवली महसुलांत लेगीत वाड जाल्या. 2704 कोटीं वयल्यान (2019-20) तो 4156 कोटींचेर (2023-24) पावला. पांच वर्सांत महसुली खर्च 11,622 कोटीं वयल्यान (2019-20) 16,849 कोटींचेर (2023-24) पावला.
पांच वर्सांत भांडवली खर्च 1660 कोटीं वयल्यान (2019-20) 3571 कोटींचेर (2023-24) पावला. महसुली खर्चांत अनुदानाची रकम 2 ते 4 टक्क्यां मदीं आसा. अनुदानाच्या खर्चांत 262 (2019-20) कोटीं वयल्लयान 620 कोटी (2023-24) इतली वाड जाल्या. 2023-24 मेरेन गोंयचें रीण 33,573 कोटी (डीएसडीपीच्या 29.13 टक्के) आसा. एफआरबीएम कायद्या प्रमाण हें 25 टक्के अदीक आसा. फुडल्या तीन वर्सांत गोंयाक 5149 कोटींचें रीण आनी 4057 कोटींचो जूर फारीक करचो पडटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
