भांगरभूंय | प्रतिनिधी
नवी दिल्ली, खबरां संस्था ः चालू अर्थीक वर्सा जीएसटी वेवस्थेंत व्हड बदल जावंक शकता. हाचे खाला जीएसटी दर सद्याच्या चार स्लॅबांतल्यान तीन स्लॅब संरचनेंत रुपांतरीत करूं येता. ही म्हायती ह्या विशया विशीं जाणकार आशिल्ल्या एका वरिश्ठ अधिकाऱ्यान दिल्या.
जीएसटी काउन्सिल खाला केंद्रीय आनी राज्य अधिकाऱ्यांची संस्था आशिल्ल्या फिटमेंट समितीन जीएसटी दर तर्कशुध्द करपाची प्रक्रिया परतून नव्यान सुरू केल्या अशें तांणी सांगलें. हांतूत कांय दर, खास करून 12 टक्के दर काडून उडोवपाची शक्यताय आसा. सध्याच्या दर संरचनेंत 5%, 12%, 18% स्टँडर्ड दर आनी चडांत चड 28% दर हांचो आस्पाव जाता. हाचे भायर कांय वस्तू आनी सेवां खातीरय तातूंत शून्य आनी खाशेले दर आसात. फिटमेंट समिती कर दर आनी तातूंत संभाव्य सुदारणां खातीर इनपुट तयार करता अशें अधिकाऱ्यांनी सांगलें. जीएसटी काउन्सिलान तयार केल्ल्या इनपुट जीएसटी दरांत बदल करपा विशीं दिल्लो सल्लो मंत्री पंगडा मुखार दवरतले. दर तर्कशुध्द करपा खातीर राज्य मंत्र्यां वांगडा सात वांगड्याच्या गटाचें मुखेलपण युपीचे अर्थमंत्री सुरेश खन्ना करतात.
ह्यो 10 वस्तू 12 टक्के जीएसटी खाला आसात
लोणी, तूप, संगणक, प्रक्रिया केल्लीं खाणां, बदाम, मोबायल, फळांचो रोस, भाजयो, सुकीं फळां, फळां वा हेर वस्तू, डब्यांतलें नाल्लाचें उदक आनी सत्री.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
