भांगरभूंय | प्रतिनिधी
गोवा चेंबर वतीन जीएसटी सुधारणांक येवकार
पणजी : जीएसटी दराचे नवे स्लॅब व सुधारणा वेवसाय गिरायकां खातीरूच फायद्याचे ना. ते समाजा खातीरूय फायद्याचे आसा अशें गोवा चेंबरची अध्यक्ष प्रतिमा धोंड हांणी म्हणलें विमा आनी भलायकी सेवांचेर जीएसटी परवडपी आशिल्ल्यान मागणेंत वाड जातली. जीएसटी सुधारणा अर्थीक वाडीक पुरो जातली. हाका लागून देशाची समाजीक आनी अर्थीक घडी घटमूट जावपाक मजत जातली, अशें गोवा चेंबरचे अध्यक्ष प्रतिमा धोंड हांणी म्हणलें.
अर्थवेवस्थेक जावपी फायदे
जीडीपी वाड चालीक लागतली: दर कपातीक लागून जीडीपी वाडींत भर पडटली. हाका लागून राष्ट्रीय विकास दर ०.५ टक्के वाडपाची शक्यताय आसा.
चड वापर: उणो केल्ल्या दराक लागून खर्च करपा योग्य उत्पन्न वाडटलें आनी ऑटोमोबायल्स, गिरायक उपेगी वस्तू, कपडे आनी हेर म्हत्वाच्या उत्पादनांची मागणी वाडटली.
एमएसएमई खातीर सर्त: उणो अनुपालन खर्च आनी उण्या केल्ल्या कराचो लाव सुक्ष्म, ल्हान आनी मध्यम उद्देगांक जातलो.
समाजीक-अर्थीक फायदो: सगल्या वयक्तीक जीण आनी भलायकी विमा पॉलिसींचेर जीएसटी काडून उडयिल्ल्यान विमा परवडपी जातलो, व्याप्ती वाडटली आनी देशाची समाजीक सुरक्षा जाळें घटमूट जातलेञ.
भलायकी सेवेंत थाकाय: जिणेंतल्या गरजेच्या ३३ वखदांचेर जीएसटी सूट आनी हेर वखदांवेलें दर उणें करप, वैजकी उपकरणां आनी उपकरणांचेर कपात भलायकी सेवा आनी सवाय करतले.
शेतकार आनी कामगार केंद्रित मळांक मजत : ट्रॅक्टर, कृषी उपकरणां, हस्तकला, संगमरवरी, चामड्याच्यो वस्तू आनी कपड्यांवेली जीएसटी उणी केल्ल्यान शेतकरी, कारागीर आनी कामगारांक थाकाय मेळटली.
सामान्य मनशाक थाकाय: केसांचें तेल, साबण, शाम्पू, टूथपेस्ट, सायकली, घरगुती वस्तू, नमकीन, नूडल्स, चहा, कॉफी, दुदाचें सामान आनी भारतीय ब्रेड अशीं अदचे जिणेंत जाय पडपी उत्पादनां ५% वा शुन्य श्रेणीत हाडल्यात. हाचो फायदो सरळ कुटुंबांक जातलो.
वाडिल्लो वापर: उणें केल्लें जीएसटी दर चड खर्च करपा योग्य उत्पन्न मेळोवपा शकता, परिणामी वापर वाडपाक शकता. ऑटोमोबायल्स, एअर कंडिशनर आणि इलेक्ट्रॉनिक्स सारकिल्ल्या सामानांची मागणी वाडटली.
वाडिल्ली मागणी: उणो केल्लो जीएसटी दर घरगुती उपकरणां आनी कपड्यां सयत म्हत्वाच्या उत्पादनां खातीरच्यो मागण्यो वाडटल्यो.
जीएसटी दर कपात निश्चीतूच अमेरिकेच्या टॅरिफच्या प्रतिकूल परिणामां पसून देशांखाला अर्थवेवस्थेक मजत करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
