भांगरभूंय | प्रतिनिधी
भांगरभूंय प्रतिनिधी
पणजीः गोंय कर्मचारी भरती आयोगान (जीएसएससी) जाहीर केल्ले 186 पदां खातीर कम्प्युटर आधारीत चाचणी (सीबीटी) खातीरची तारीख जाहीर केल्या. हातूंत पाच पदां खातीर सीबीटी 1 आनी उरिल्ले 181 पदां खातीर सीबीटी 2 ह्यो दोनय परिक्षा 6 डिसेंबराक जातल्यो, अशी कळोवणी आयोगान जारी केल्या.
आयोगान 18 जुलय 2025सात 186 पदा जाहीर केल्ली तातूंतली शेतकी सहाय्यक हे पाच पदां खातीर सिंगल टीयर सीबीटी जातली जाल्यार लेखाकार 22 पदा, सहाय्यक राज्य कर अधिकारी 9, राज्य कर निरिक्षक 34, कनिष्ठ अभियंतो (मॅकॅनिकल/इलेक्ट्रिकल) 25, कनिश्ठ अभियंतो (इलेक्ट्रीकल) 88, मॅकेनिक ग्रेड 1 (डिझेल) 1 आनी सहाय्यक मॅकॅनिक 2 पदां खातीर टू टीयर सिबीटी चाचणी जातली.
हे चाचणी खातीरचे इ-प्रवेश पत्र 28 नोव्हेंबर उपरांत ई-प्रवेश पत्र सीबीईएस पोर्टलाचेर उपलब्ध जातलें. तशेंच, परिक्षा केंद्राची सुवात, वेळ हे विशींचो तपशील आयोगाचे वॅबसायटीचेर लेगीत उपलब्ध आसतलो.
परिक्षा केंद्राची सुवात तशेच वेळ बदलपाची उमेदवाराची विनंती आयोग स्विकारचो ना. उमेदवारांनी आयोगाची वॅबसायट https://gssc.goa.gov.in हाचेर वचून कॅण्डिडेट्स कॉर्नर हातूंत वा रिक्रूटमेण्ट मॅन्यू कॅण्डिडेट्स टॅब अंतर्गत उपलब्ध आशिल्ले सीबीटी परिक्षेक बसपी सगल्या उमेदवारां खातीर आशिल्ल्या सगल्या सुचोवण्यांचें तशेंच जायरात क्र. 2, वर्क्स 2025 हातूंत आस्पावीत आशिल्ल्यो हेर सुचोवण्यांचें आनी कागाळी निवारण संबंदीत सुचोवण्यांचें वाचन करचें. हे सुचोवण्यांचे खरपणान पालन करप सक्तीचें आसा, अशे आयोगान कळीत केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
