भांगरभूंय | प्रतिनिधी
भांगरभूंय । प्रतिनिधी
पणजीः बांबोळेच्या जीएमसी हॉस्पिटलांत नोकरी भरती विशी मुंबय उच्च न्यायालयाच्या गोंय खंडपिठान जनहित याचिका सादर केल्ल्या. तिचेर आपलेी बाजू मांडपा खातीर राज्य सरकारान आनीक चार सप्तकांची मुजत दिवपाची मागणी केल्ल्यान खंडपिठान फुडली सुनावणी चार सप्तकां उपरांत दवोरल्या.
हॉस्पिटलांतलीं 1371 पदां भरल्यांत. ही नोकर भऱती बेकायदेशीर आशिल्ल्याचो दावो करून शैलेंद्र वेलिंगकार हाणी खंडपिठान जनहित याचिका सादर केल्या. हे याचिका प्रकरणांत समिक्षा गांवस, सुप्रिया परब आनी राही पेडणेकारान हस्तक्षेप अर्ज सादर केल्यात. तांणा नोकर भरतीची सगळी प्रक्रिया कायदेशीर आशिल्ल्याचो दावो केला. हे विशीं खंडपिठान सरकाराक बाजू मांडपाक सांगल्लें. ते प्रमाण सरकारान मुजत मागून घेतल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
