भांगरभूंय | प्रतिनिधी
8 लाख 69 हजार 356 मतदार, 226 उमेदवार
उत्तर गोंयांत 111, दक्षीण गोंयांत 115 उमेदवार
सोमारा 22 डिसेंबराक म्हालाचे सुवातेर मतमेजणी
भांगरभूंय । प्रतिनिधी
पणजी : उत्तर आनी दक्षीण गोंय मेळून जिल्हो पंचायतीच्या 50 मतदारसंघां खातीर आयज शेनवारा 20 डिसेंबराक मतदान जातलें. मतपत्रिकेच्या आदारान सकाळीं 8 ते सांजेच्या 5 वरां मेरेन मतदान जातलें. दोनूय जिल्हो पंचायतींत मेळून 226 उमेदवार रिंगणांत देंवल्यात. मतदारांचो आंकडो 8 लाख 69 हजार 356 आसा. उत्तर गोंयत 111, जाल्यार दक्षीण गोंयांत 115 उमेदवार आसात.
जाहीर प्रचार बिरेस्तारा सकाळीं सोंपले उपरांत मतदानाच्या आदल्या दिसा उमेदवारांनी मतदारांच्यो वैयक्तीक भेटी घेवपाचेर भर दिलो. प्रचारा वेळार खंयसरूच वाद आनी हिंसक घडणुको घडूंक ना. शुक्रारा मतदान केंद्रांचेर मतपत्रिका तशेंच हेर सामान धाडपाचें काम चालूच आशिल्लें. कसलीय वायट घडणूक घडची न्हय म्हणून सगल्या मतदान केंद्रांचेर पुलीस बंदोबस्त आसतलो. ह्या वेळार चडशे उमेदवार नवे आशिल्ल्यान निकालाचो अदमास सांगप कठीण आसा. सध्याच्या वांगड्यांचे चडशे मतदारसंघ बायलां खातीर वा हेर मागासवर्गीयां खातीर राखीव जाल्ल्यान सध्याच्या वांगड्यांक उमेदवारी सादर करपाक मेळूंक ना. तरी 9 आतांचे वांगडी वेंचणुकेच्या रिंगणांत आसात. तशेंच फाटले फावटीचे (2020) 12 उमेदवार ह्या वेळार परतून वेंचणूक लडयतात. भाजपन 40 जाल्यार मगोन 3 मतदारसंघांत उमेदवार उबे केल्यात. हेर 7 सुवातांचेर अपक्षांक फाटबळ दिलां. काँग्रेस, गोवा फॉरवर्ड, आरजी आनी आपचे उमेदवार मैदानार देंवल्यात. आयज 20 डिसेंबराक मतदान जाले उपरांत सोमारा 22 डिसेंबराक मतमेजणी जातली. म्हालाचे सुवातेर मतमोजणी जातली.
उत्तर गोंय
मतदारसंघ : 25
मतदार : 4,40,199
दादले : 2,13704
बायलां : 2,26492
मतदान केंद्रां : 658
वट्ट उमेदवार : 111
दक्षीण गोंय
मतदारसंघ : 25
मतदार : 4,29157
दादले : 2,06902
बायलां : 2,22,253
मतदान केंद्रां : 626
वट्ट उमेदवार : 115
मतदारसंघांतले मतदार
उत्तर गोंय
हरमल 16,062, मोरजी 15,557, धारगळ 16,203, तोरशे 15,061, शिवोली 15,672, कोलवाळ 15,795, हळदोणें 17,890, शिरसय 17,314, हणजूणें 17,074, कळंगूट 22,117, सुकूर 24,312, रेईश मागूश 18,934, पेन्ह द फ्रान्स 17,338, सांताक्रुज 18,824, ताळगांव 19,754, चिंबल 19,560, खोर्ली 23,467, सेंट लॉरेन्स 17,401, लाटंबार्से 15,352, कारापूर- सर्वण 16, 264, मयें 15,853, पाळी 14,621, होंडा 16,239, केरी 17,076, नगरगांव 16,459.
दक्षीण गोंय उसगांव गांजे 12,605, बेतकी खांडोळें 18,461, कुर्टी 19,044, वेलिंग प्रियोळ 18,057, कवळें 19,993, बोरी 14,004, शिरोडें 16,020, राय 16,925, नुवें 15,273, कोलवा 17,531, वेळ्ळी 17,548, बाणावली 20,119, दवर्ली 19,918, गिर्दोळी 16,360, कुडतरी 19,800, नावेली 15,678, सांवड्डें 14,675, धारबांदोडें 15,612, रिवण 16,666, शेल्डे, 14,110, बार्शे 13,944, खोला 14,146, पैंगीण 16,820, सांकवाळ 28,405, कुठ्ठाळी 17,443.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
