भांगरभूंय | प्रतिनिधी
पणजी, प्रतिनिधी : जिवीत आनी भलायकी विम्या संबंधी जीएसटीचे प्रश्न सुटावे करपा खातीर जीएसटी मंडळान स्थापन केल्या मंत्री गटाचे वांगडी म्हूण मुख्यमंत्री डॉ. प्रमोद सावंत हांची नेमणूक जाल्या. बिहारचे उपमुख्यमंत्री सम्राट चौधरी हे मंत्रीगटाचे संघटक आसा.
हालींच जीएसटी मंडळाची दिल्लींत बसका जाली. हें बसकेत चर्चा जाले उपरांत जिवीत आनी भलायके विशीं मंत्री गटाची स्थापना जाली. मुख्यमंत्री डॉ. प्रमोद सावंत हांचे सयत मंत्री गटाचे वट्ट 13 वांगडी आसा. हांतूत मेघालयाचे मुख्यमंत्री कोनराड संगमा हांचे सयत हेर राज्यांच्या मंत्र्यांचो आसपाव आसा. मंत्री गटाक 30 ऑक्टोबर 2024 मेरेन अहवाल सादर करचो पडटलो. सध्याच्या जीएसटी दराचो नियाळ घेवन नव्या दरांची सुचोवणी मंत्री गटाक करची पडटली. ज्येश्ट नागरिक, मध्यम वर्गीय, दुयेंतीं हांचे खातीर आशिल्ल्या विमा येवजणेंचो जीएसटीचो प्रस्ताव तयार करचो पडटलो. व्यक्तीगत, कुटुंबीक विमा तशेंच गुंतवणूक येवजणेंवेल्या जीएसटीचो नियाळ मंत्रीगट घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
