भांगरभूंय | प्रतिनिधी
भाशा संशोधन फाटो स्थापन करपाक मंत्रिमंडळाची मान्यताय
पणजी, प्रतिनिधी : उत्तर गोंय जिल्हो हॉस्पिटल तशेच दक्षीण गोंयच्या हॉस्पिशियो हॉस्पिटलांत येत्या 2 म्हयन्यांत आयसीयू फांटो सुरू जातलो. कंत्राटी पद्दतीन दोतोर तशेच कर्मचाऱ्यांची भरती करपाक मंत्रिमंडळान मान्यताय दिल्या.
मंत्रालयात आयज मंत्रिमंडळाची बसका जाली. उपरांत पत्रकार परिशदेंत मुख्यमंत्री डॉ. प्रमोद सावंत हांणी मंत्रिमंडळाच्या निर्णयांची म्हायती दिली. राजभाशा संचालनालयात भाशा संशोधन फाटो सुरू करपाक मंत्रिमंडळान मान्यताय दिल्या. शेतकारां खातीर सौर विजेचेर चलपी उदकाच्या पंपांक अनुदान दिवपी कुसुम येवजणेक मान्यताय दिली. पर्वरे फ्लायओवर उबारपा खातीर येरादारी वेवस्थेत बदल जातलो. येरदारी बदलाच्या आराखड्याक मंत्रिमंडळान मान्यताय दिली.
जुवारी, शापोरा आनी मांडवी न्हंयेत पारंपरीक पद्दतीन रेंव काडपा खातीर परवानो दिवपाची प्रक्रीया म्हयन्यान सुरू जातली. भायल्या राज्यांतल्यान रेंवेचे ट्रक येवपाक सुरवात जाल्या, अशें मुख्यमंत्री सावंत हांणी सांगलें.
बेकायदा जमीन बळकाव प्रकरणी न्यायमुर्ती जाधव हांणी दिल्लो अहवाल सरकारान स्वीकारला. अहवालातल्या सुचोवणेंची कार्यवाय जातली. हडप केल्ली सरकारी आनी धनी नाशिल्ल्यो जमनी सरकार ताब्यात घेतलो, अशेंय तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
