भांगरभूंय | प्रतिनिधी
मतमेजणे वेळार आसतलो खर बंदोबस्त
पणजी : जिल्लो पंचायत वेंचणुके खातीर विक्रमी म्हणल्यार ७०.८१ टक्के मतदान जाल्ल्यान निकाला विशीं सगल्यांक उमळशीक आसा. फाल्यां १४ सुवातांचेर सकाळीं ८ वरांचेर मतमेजणेक सुरवात जातली. बार्देस, साश्ट आनी फोंडें म्हालांत दरेकी दोन सुवातांचेर मतमेजणी जातली. दनपार मेरेन चित्र स्पश्ट जातलें, अशी म्हायती राज्य वेंचणुक आयोगाच्या गोपांनी दिली.
मतमेजणी जाले उपरांत राज्य पांवड्या वयल्या आपापल्या लोकप्रतिनिधींच्या सल्ल्यान अध्यक्ष तशेंच उपाध्यक्षपद निवडीच्यो हालचाली सुरू जातल्यो. जिल्लो पंचायती खातीर ६० ते ६५ टक्क्यां मेरेन मतदान जाता. हे खेपो मतदानाची टक्केवारी वाडपा सयत मतदारांमदीं उमेद दिसून आयली. दादल्यां परस बायलांच्या मतदानाचें प्रमाण चड आसा. उत्तर तशेंच दक्षीण गोंयांत हे खेपो दादल्यां परस बायलां मतदारांचो आंकडो चड आशिल्लो. हातूंत परत बायलां मतदानाचें प्रमाण चड आसा. देखून बायलांचो कौल महत्वाचो थारतलो, अशें स्पश्ट दिसता. मतदाना उपरांत सगल्यो मतपेटयो म्हालाच्या सुवातेर खर पुलीस बंबस्तांत स्ट्राँग रूमान दवरल्यात. थंय कोणाकूच वचपाची परवानगी ना.
मतमेजणेच्यो सुवातो
पेडणें – पेडणें – मल्टीपर्पज खेळां स्टेडियम
बार्देस – पेडें – खेळां संकूल, बॅडमिंटन सभाघर
बार्देश – पेडें – खेळा संकूल, बॅडमिंटन सभाघर
तिसवाडी – ताळगांव : डॉ. श्यामाप्रमसाद मुखर्जी स्टेडियम
दिवचल – सर्वण : नारायण झांट्ये काॅलेज सभाघर
सत्तरी – वाळपय : कदंबा बस स्टँड हॉल
फोंडें – फर्मागुडी : सरकारी आयटीआय सभाघर
फोंडें – फर्मागुडी : वर्कशॉप, सरकारी आयटीआय
साश्ट – मडगांव : माथानी साल्ढाणा संकूल (उत्तरेची बाजू)
साश्ट – मडगांव : माथानी साल्ढाणा संकुल (दक्षिणेची बाजू)
धारबांंदोडा – तामसोडो : सरकारी कार्यालय संकूल
सांगें – सांगें : सरकारी खेळा संकूल
केपें – बोरीमळ : सरकारी खेळा संकूल
काणकोण – काणकोण – सरकारी उच्च माध्यमीक विद्यालय
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
