भांगरभूंय | प्रतिनिधी
प्रस्ताव पळोवन श्रेश्ठी घेतले निर्णय : अमीत पाटकार
पणजी : जिल्लो पंचायत वेंचणुके खातीर हेर विरोधी पक्षां कडेन युती करपाची काँग्रेसीची तयारी आसा. मात प्रस्तावाचो विचार करून पक्षश्रेष्टी निर्णय घेतले, अशे प्रदेश काँग्रेस अध्यक्ष अमीत पाटकार हांणी सांगलां. फाल्यां सोमारा समितीची बसका जातली.
राज्यात 13 डिसेंबराक जिल्लो पंचायत वेंचणूक जातली. आरक्षणाची अधिसुचोवणी जाहीर जाले उपरांत वेंचणुकेच्या हालचालींक नेट आयला. येत्या दोन दिसांत वेचणूक आचारसंहितेची अधिसुचोवणी जारी जातली.
जिल्लो पंचायत वेंचणुकीची तयारी तशेच उमेदवारांची निवड करपा खातीर काँग्रेसीन समिती स्थापन केल्या. प्रदेश काँग्रेस अध्यक्ष अमीत पाटकर, विरोधी पक्ष फुडारी युरी आलेमांव, आमदार एल्टन डिकॉस्ता, आमदार कारलूस फेरेरा, गिरीश चोडणकार, उपाध्यक्ष एम. के. शेख, खासदार विरियातो फर्नांडीस हे समितीचे वांगडी आसा. समितीची एक बसका जाल्या. फाल्या सोमारा दुसरी बसका जातली. उमेदवारांची निवड करपा सयत युतीचेर चर्चा जातली, अशे अमीत पाटकर हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
