भांगरभूंय | प्रतिनिधी
भारताची दिग्गज जिम्नॅस्ट दीपा कर्माकरान आपले कारकिर्दीक काल पुर्णविराम दिलो. दिपा कर्माकर हिणें 2016तले रियो ऑलिम्पीक सर्ती वेळार चर्चेंत आयिल्ली. तिका 0.15 गूण फरकान कांश्या पदक चुकिल्लें. ऑलिम्पिकांत वांटो घेवपी ती भारताची पयली जिम्नॅस्ट आशिल्ली.
तिणें सोशल मिडिया वरवीं निवृत्तीची घोशणा केली. दिपान अंदूंचे आशियायी चॅम्पियनशिपींत वस्तादपण मेळयिल्लें. अशी कामगिरी करपी ती भारताची पयली जिम्नॅस्ट आसा.
खूब विचार करून प्रॉफेशनल जिम्नॅस्टिकांतल्यान निवृत्त जावपाचो निर्णय घेतला. हो निर्णय घेवप सोंपें नाशिल्लें. पूण, निवृत्त जावपाची ही योग्य वेळ आसा अशें आपल्याक दिसता अशें तिणें सोशल मिडिया पोस्टांत बरयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
