भांगरभूंय | प्रतिनिधी
भांगरभूंय ः विशाल खांडेपारकार
एरणाकुळम : जितलें म्हत्व मूळ संहितेक आसता, तितलेंच म्हत्व अणकाराक आसा. देखून फकत दोन भाशांचेंच गिन्यान आसप पुरो जायना. दोन संस्कृतींचें आनी लोकजीणेचो अभ्यास भोव गरजेचो अशें अध्यक्ष शैलेंद्र मेहता, महाराष्ट्र, हांणी सांगलें. ते केरळांत २६ वें अखिल भारतीय कोंकणी साहित्य संमेलनांत ‘कोंकणी साहित्याचो हेर भाशेंतलो अणकार’ ह्या सत्राचो विशयाचेर उलयताले.
कोंकणी भाशेचें म्हत्व समजून बरें साहित्य कोंकणींत अणकार करून हाडुया. कोंकणी साहित्य संवसारांत पावतलें जाल्यार देवनागरी साहित्य अणकार जावपाची गरज आसा. शणै गोंयबाब, मनोहर सरदेसाय आनी फेलिसीयो कार्दोज हांणी कोंकणी दर्जेदार अणकारीत साहित्य रचलां अशें डॉ. ग्लॅनीश मेंडोन्सा हिणें सांगलें.
कोंकणीची गिरेस्त उतरावळ आसा. तीं उतरां मलयालम भाशेंत हाडपाक वावर आपूण करतां. फुडारांत उदय भेब्रें हांच्यो कादंबरी अणकार करून मलयालम भाशेंत येवंक जाय अशें आर एस भास्कर हांणी सांगलें.
ह्या सत्रांत वांटेकार डॉ. रमिता गुरव , मिलिंद म्हामल हांणी विचार मांडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
