जिणे पद्दत

भांगरभूंय | प्रतिनिधी

वेगवेगळ्या पिरायेचेर आहार असो आसूंक जाय, न्हीद आनी नित्यनेम पिरायेच्या सगळ्या पांवड्या खातीर गरजेचें.

18 वर्सां मेरेन
वरभर खेळप, 8 वरां न्हीद घेवप  गरजेचें. व्यायाम ः 5-17 वर्सां आसल्यार दर दिसा सामान्यपणान 60 मिनटां व्यायाम करचो. ल्हान भुरग्यांनी फिट रावपा खातीर खेळपाक जाय, जाल्यार किशोरवयीन भुरग्यांनी हलको व्यायाम आनी कश्ट करचे.
आहार ः कुडीचे उदरगतीचीं ही पिराय. हे पिरायेचेर दिसपट्ट्या आहारांत 40 ते 65% कार्बोहायड्रेट, 10 ते 25% प्रथिनां आनी 15 ते 35% चरबी आसूंक जाय. मांस, तांतयां, बीन्स, बदाम, बियो, सोया, पोल्ट्री अन्न प्रथिनां म्हणून दिवंक मेळटात जाल्यार नुस्तें, दही हे चरबी खातीर बरे पर्याय आसात. पुराय कड्डणाची भाकरी, तपकिरी तांदूळ, फळां आनी भाजीपालो कार्बोहायड्रेट मेळोवंक शकतात. भुरगीं खूब खेळटात, देखून हायड्रेटेड रावपा खातीर ताक, लिंबूपाणी, नाल्लाचें उदक तांका वेळार दिवचें. न्हीद ः हे पिरायेचेर 8 ते 10 वरां न्हीद घेवप गरजेचें.
18- 64 वर्सा मेरेन ः सप्तकांत 5 वरां व्यायाम करचो.
व्यायाम ः सप्तकात 150 ते 300 मिनटां मध्यम व्यायाम करचो. आहार ः पिरायेच्या 35-40 वर्सां उपरांत हाडां दुबळीं जावंक लागतात. चड कॅल्शियमाची गरज आसता. देखून ब्रोकोली, संत्रां, पाचव्या पानांची भाजी, दूद हांचो आहारांत आस्पाव करचो. दुदाचे पदार्थ चड खावचे. तशेंच तंतू मेळपी खाणां खावप. उदा. फळां, भाजीपालो, बार्ली, ओट, धान्य. ताका लागून पचन प्रक्रिया बरी उरता.
न्हीद ः पिरायेच्या 60 वर्सांमेरेन 7 वरां न्हीद घेवप फावोशें मानतात. 61 ते 65 ह्या काळांत 7 ते 8 वरां न्हीद घेवप गरजेचें.
65 वर्सां उपरांत ः दर दिसा 30 ग्राम सुकीं फळां खाल्यार पिराय वाडटा. व्यायाम ः सप्तकांतले पांच दीस 150 मिनटांचो मध्यम व्यायाम करप. कुडीत पयलीं इतली चपळटाय नाशिल्ल्यान धांवप आनी कठीण व्यायाम करप टाळचे. आहार ः जशी जशी कुडीक जीवनसत्वां आनी खनिजां शोशून घेवंक मेळना तशी तशी वखदां खातीर पोशक तत्वां शोशून घेवपाचीय तांक उणी जाता. भूक उणी जावं शकता. दिसाक सुमार 30 ग्राम सुकीं फळां खावपाचो यत्न करात. उण्यांत उणें 150 मिलिलीटर फळांचो रोस घेवचो. हे पिरायेचेर जीवनसत्व बी 12 म्हत्वाचें आसता. हाका लागून तांबडी रगतपेशी तयार जातात.
न्हीदः 65 वर्सां वा ताचे परस चड पिरायेच्या जाणटल्यांनी 7 ते 8 वरां न्हीद घेवपाक जाय.