भांगरभूंय | प्रतिनिधी
मुंबय, खबरां संस्थां:रिलायन्स JIO युजर्सांक म्हारगायेचो ‘डबल फटको’ बसला, आतां तुमी विचारतात कशें काय म्हणून? कंपनीन फकत JIO प्लॅनांचें दर वाडोवंकना जाल्यार प्लॅनांचें दर वाडोवपा वांगडा कंपनीन कांय प्लॅनांत अमर्यादीत 5 जी डेटा दिवपाचेंय बंद केलां.
प्लॅनाची किंमत वाडोवचे पयलीं कंपनीची एकूच अट आशिल्ली की कोणेंय २३९ रुपया वा ताचे परस चड रिचार्ज प्लॅन घेतलो जाल्यार कंपनी अमर्यादीत 5 जी डेटा दितली. पूण आतां खूब कितें बदललां, कंपनी आतां म्हणटा की अमर्यादीत 5 जी डेटा फकत त्या वापरप्यांक दितले जे दिसाक 2 जीबी डेटा वा ताचे परस चड डेटा आशिल्लो प्लॅन निवडटात.
हाचो अर्थ दर दिसा 1 जीबी वा 1.5 जीबी डेटा आशिल्लो प्लॅन घेतल्यार तुमकां आतां अमर्यादीत 5 जी डेटा मेळचो ना.
JIO 209 प्लॅन: हो प्लॅन दिसाक1 जीबी डेटा दिता आनी 28 दिसांची वैधताय येता. ह्या प्लॅनाच्या दरांत बदल जाले उपरांत आतां 249 रुपयांक हो प्लॅन मेळटलो.
JIO 239 प्लॅन: ह्या प्लॅनांत दिसाक 1.5 जीबी डेटा मेळटा आनी ह्या प्लॅनांत 28 दिसांची वैधताय मेळटा. दर वाडल्या उपरांत आतां 299 रुपयांक हो प्लॅन मेळटलो.
JIO 479 प्लॅन: हो प्लॅन 56 दिसां खातीर वैध आसून दर दिसा 1.5 जीबी डेटा आसता. दर वाडल्या उपरांत आतां ह्या प्लॅना खातीर 579 रुपया खर्च करचे पडटले.
JIO 666 प्लॅन: दर दिसा 1.5 जीबी डेटाचो हो प्लॅन 84 दिसांची वैधताय दिता, पूण आतां तुमकां हो प्लॅन 799 रुपयांक मेळटलो.
कंपनी म्हणटा, अमर्यादीत 5जी डेटा दिसाक फकत 2 जीबी डेटा वा ताचे परस चड डेटा दिवपी प्लॅनांत मेळटलो, म्हणल्यार हो प्लॅन घेवपी लोकांकय धक्को बसला.
JIO 155 प्लॅन: ह्या 155 रुपया जियो प्लॅनांत 2 जीबी हाय-स्पीड डेटा मेळटा, पूण आतां ह्या प्लॅनांत 189 रुपया खर्च करचे पडटले.
JIO 395 प्लॅन : ह्या रिचार्ज प्लॅना वरवीं कंपनी 84 दिसांची वैधताय आनी 6 जीबी डेटा दिता. पूण आतां ह्या प्लॅना खातीर वापरप्यांक 479 रुपया खर्च करचे पडटले.
JIO 1559 प्लॅन: हो 1559 रुपया प्लॅन 336 दिसांची वैधताय घेवन येता. ह्या प्लॅनांत वट्ट 24 जीबी उच्च गतीचो डेटा मेळटा, आतां ह्या प्लॅना खातीर 1899 रुपया खर्च करचे पडटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
