भांगरभूंय | प्रतिनिधी
नवी दिल्ली, खबरां संस्था: संगणक जाय आशिल्ल्या गिरायकां खातीर एक बरी खबर! रिलायन्स जिओने ‘जिओ-पीसी’ हें नवें क्लावड-आधारीत वर्चुअल डेस्कटॉप प्लॅटफॉर्म लॉंच केलां. हे उपकरण घरांत वा कार्यालयांत आशिल्ले टीव्ही स्क्रिनीक खिणांतूच हाय-एंड पर्सनल कॉम्प्युटरांत रूपांतरीत करपाक शकता. जिओ फायबर वा जिओ एअर फायबर कनेक्शन आशिल्ल्या गिरायकांक हे सेवेचो लाव घेवपा खातीर मासीक प्लॅन घेवचो पडटलो. नव्या गिरायकांक पयल्या म्हयन्या खातीर ही सेवा फुकट मेळटली.
क्लावड कॉम्प्युटिंग वाठारांतल्या भारतांतल्या ह्या पयल्या ‘पे-एज-यू-गो’ मॉडेल आसा म्हळ्यार जितलो वापर तितले पयशे. हातूंत कसलोच लॉकग-इन कालावधी ना. गिरायकांक सांबाळपाचो खर्च करचो पडना. तशेंच म्हारग हार्डवेअर वा सॉफ्टवेअर अपग्रेडचीय गरज ना. फकत प्लग इन करात, सायन अप करात आनी काम सुरू करात.
कंपनीचो दावो आसा, जिओ-पीसी हो खूब घटमूट आसा. ताची प्रोसेसिंग तांक उत्कृश्ट आशिल्ल्यान तो सदच्या कामां पसून ते गेमिंग आनी ग्राफिक रेंडरिंगसारके हाय-एंड काम सहज करपा शकता. अशे तांकीचो कॉम्प्युटर बाजारांत ५०,००० रुपयां परस चड किंमतीचो मेळटा. मात जिओ-पीसी मासीक फकत ४०० रुपयां पसून उपलब्ध आसा. म्हळ्यार फकत ४०० रुपया म्हयन्याक दिवन गिरायक ५०,००० रुपयां मेरेन खर्च वाचोवपाक शकतात. सबस्क्रिप्शना वांगडा गिरायकांक सगळे मुखेल एआय टूल्स, ऍप्लिकेशन्स आनी ५१२ जीबी क्लावड स्टोरेज मेळटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
