भांगरभूंय | प्रतिनिधी
पणजीः वित्तीय वर्स 2020-21 ते 2024-25 (ऑक्टोबर 2025 सोंपता) मेरेन गोंयांतल्यान 23 हजार 661 कोटी जीएसटी एकठांय जाल्या. ह्या काळांत केंद्रान राज्य सरकाराचो वांटो म्हूण 15 हजार 13 कोटी रुपया गोंयाक परत केल्यात. केंद्रीय अर्थ राज्यमंत्री पंकज चौधरी हांणी राज्यसभेंत दिल्ले लेखी जातेंतल्यान ही म्हायती मेळ्ळ्या.
अर्थ आयोगाच्या नेमा प्रमाण जीएसटीचे केंद्रीय, राज्य, एकत्रीत आनी सेस अशे चार भाग आसात. केंद्रान एकठांय केल्ल्या जीएसटीचो एक भाग राज्यांक परत दितात. हाचे भायर एकत्रीत जीएसटीचोय कांय वांटो राज्यांक दितात. 2020-21 वर्सा 1,965 कोटी, 2021-22 वर्सा 2,856 कोटी, 2022-23 वर्सा 3,593 कोटी, 2023-24 वर्सा 4,120 कोटी आनी 2024-25 वर्सा 2,479 कोटी केंद्रान गोंयांत परतून केल्यात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
