भांगरभूंय | प्रतिनिधी
मांय जखमी: घरकान्नीच्या चारित्र्याचेर दुबाव घेवन केले खून
यवतमाळ, खबरां संस्था: यवतमाळ जिल्ह्यांतल्या कळंब म्हालांतल्या तिरझडा पारधी वसणुकेंत एक भिरांकूळ घडणूक घडली. बायलेच्या चारित्र्याचेर दुबाव घेवन जावयान आपली घरकान्न, दोग मेवणे आनी मावाचो खून केला. हे घडणुकेंत एकाच कुटुंबांतल्या चवगांक जाग्यारूच मरण आयलां आनी माय सध्या गंभीर जखमी आसा.
गोविंद विरचंद पवार अशें दुबावीत जावयाचें नांव जावन आसा. ताची घरकान्न रेखा गोविंद पवार, माव पंडित भोसले, मेवणे ज्ञानेश्वर आनी सुनील भोसले हांकां मरण आयलां.
पुलिसांनी दिल्ले म्हायती प्रामण चारित्र्याच्या दुबावा वयल्यान घोव बायले मदीं वाद जाताले. घरकान्नीचे हेर कोणा कडेन संबंद आशिल्ल्याचो दुबाव गोविंद हाका आशिल्लो. ताका लागून घोव- बायले मदीं सदांच वाद जातालो. ह्या कारणाक लागून गोविंद आपले बायलेक सदांच मारतालो. घोवाच्या छळाक वाजेवन ती कांय दीस फाटीं आपले आवयगेर रावपाक गेल्ली. ह्या कारणाक लागून गोविंद आपली घरकान्न आनी तिच्या कुळारच्या लोकां कडेन सदांच वाद घालतालो. ह्या वादांतलयान हल्लो केल्ल्याचो दुबाव पुलीस उक्तायतात.
पुलिसांनी पंचनामो करून मरण आयिल्ल्याच्यो कुडी पोस्टमार्टमा खातीर धाडल्यात.
मजगतीं, रातच्या सुमार ११ वरांचेर घोव बायलेच्या कुळारा आयलो आनी अचकीत बायलेच्या आवय बापूय आनी भावांचेर धारेच्या शस्त्रान हल्लो करपाक लागलो. ह्या हल्ल्यान मावाक आनी दोग मेवण्यांक आक्ताक मरण आयलें. जाल्यार माय रुखमा भोसले गंभीर जखमी जाली. तिका हॉस्पिटलांत उपचारा खातीर दाखल केल्या. पुलिसांनी जावंय गोविंद विरचंद पवार हाका अटक केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
