भांगरभूंय | प्रतिनिधी
वीज कितली म्हत्वाची तें आतां आमकां गोंयकारांक सांगपाची गरज ना. 30 वर्सां पयलीं परिस्थिती वेगळी आशिल्ली. आतां तशें ना. आयज मोबायल फोन, संगणक, गिझर, वाॅशिंग मशीन अशीं तरातरांचीं उपकरणां आमी वापरूंक लागल्यात. उद्देग, पर्यटन मळाक तर मेळटा तितली वीज उणीच. सध्या गोंयांंत 650 मेगावॅट वीज येता. ही वीज पुरवण मुखेलपणान अस्तंत जाळये वरवीं (ग्रीड) 400 केव्ही कोल्हापूर- म्हापसा लायनींतल्यान आनी दक्षीणेंत एकेच 220 केव्ही
लायनींतल्यान जाता. पूण हाचे परस चड वीज
हाडपाची थारायली जाल्यार वीज वितरण वेवस्था ती तांक सोंसपाक शकना. देखून 2015 वर्सा केंद्रीय वीज मंत्रालयान, गोवा तमनार ट्रान्समिशन प्रकल्प लिमिटेड (जीटीटीपीएल) हे कंपनीक गोंयां खातीर विजेचो अतिरिक्त स्रोत तयार करपाक नेमली.
उपरांत 2016 त दक्षिण गोंयांत नवे 400 केव्ही उपकेंद्र दिवपाच्या निर्णयाचेर साबार बसकांनी चर्चा जाली आनी अखेरेक उपकेंद्राक मान्यताय मेळ्ळी. ह्यो बसका वीज प्रणाली नियोजन आनी स्थायी समित्यांनी घेतिल्ल्यो.
जीटीटीपीएल प्रकल्प एकदां कार्यरत जातकच गोंयची वाडटी वीज गरज भागोवपाक आनी राज्याक दीर्घकाळ उर्जा सुरक्षा दिवपाक म्हत्वाची भुमिका करतलो. तो फक्त वीज पुरवण करतलो. मागीर, अस्तंत आनी दक्षिण दोनूय ग्रीडांतल्या गोंयांत जाय तितली वीज येवपाक लागतली. गोंयांतल्या
रहिवाशांक आनी उद्देगांक
दोळे धांपून विस्वास दवरूं येता, अशी वीज पुरवण जातली. सलग २४ वरां. जाका
लागून ह्या प्रदेशांत प्रदुशण करपी डिझेलाचे आदारीत विजेचेर (जनरेटर) आदारून रावप उणें जातलें. इंधनाची बचत जातली ती वेगळी.
कारण तें सध्या म्हारग जायत आसा.
जीटीटीपीएलांत 5 घटक आसात जे एकामेकां कडेन संबंदीत आसात, पूण कार्यात्मक नदरेन स्वतंत्र आसात. हे सगळे मेळून “गोंयाक अतिरिक्त 400 केव्ही फीड आनी रायगड (तामनार) प्रकल्पांत तयार जाल्ली वीज ओडपाक अतिरिक्त प्रणाली” ही येवजण तयार करतात.
आतां मेरेन गोंय राज्यांत वीज पुरवणे बाबतींतली गरजेची मुळावी साधनसुविधा नाशिल्ल्यान वाडत वचपी विजेची गरज भागोवंक मेळना. जीटीटीपीएल प्रकल्पा वरवीं सध्याची वीज प्रसारण तांक वाडटली. दर्जो आनी खात्रीलायक अशी वीज पुरवण मेळपाचो विस्वास लोकां मदीं निर्माण जातलो. मागीर, अस्तंत आनी दक्षिण दोनूय ग्रीडांतल्या गोंयांत जाय तितली वीज येवपाक लागतली. जाका लागून राज्याची दीर्घकाळ उर्जा सुरक्षीतताय सुनिश्चीत जातली आनी पर्यटना सयत उद्देगीक आनी वेवसायीक
कार्यावळींक आनीक बरी
चालना मेळटली. दक्षिण गोंय पर्यटन केंद्र आशिल्ल्यान
ह्या प्रकल्पाचो पुराय द. गोंयांक चड फायदो जातलो. कारण सध्या हो प्रदेश विस्वास दवरपाक
शकनाशिल्ले वीज पुरवणेक लागून पर्यायी वीज स्त्रोतांचेर अवलंबून आसा.
खास करून ह्या वाठारांतल्या ल्हान वेवसायांक वीज बॅकअपाचेर आदारून रावचें पडटा. जीटीटीपीएल प्रकल्पाक लागून पर्यावरणाक बरी, नितळ, कमी खर्चांत वीज मेळटली, हातूंत दुबाव ना.
प्रकाश गोवेंकार
मडगांव
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
