भांगरभूंय | प्रतिनिधी
पृथ्वीराज दास गुप्ताः ‘क्लिंटन’ची काणी स्वता अणभवल्या
भांगरभूंय । पीआयबी
पणजीः ‘क्लिंटन’ चित्रपट तशेंच हेर भुरग्यांचें चित्रपट लेगीत जाण्ट्यांनी पळोवप म्हत्वाचें आसा. जे वरवीं भुरगीं कशी वागतात तें तांकां कळटलें. आपल्याक बोर्डींग शाळेंत धाडिल्ले खातीर आदीं आपल्याक आवय- बापायची तिडक येताली. पूण आतां मात तांचे उपकार मानता. कारण ताका लागून आपल्याक चित्रपट तयार करतना मजत जाली, अशें दिग्दर्शक पृथ्वीराज दास गुप्तान ‘इफ्फी टेबल टॉक्स’ सत्रांत उलयतना सांगलें.
फक्त आपुणूच ही काणी सांगपाक शकतालो, कारण आपूण ती जियेला. आपुणूच ते काणयेक न्याय दिवपाक शकपाचों, अशें दास गुप्ता हांणी सांगलें. हो चित्रपट फक्त शाळांनीच जाल्यार जंय जाण्टे लेगीत तो पळोवपाक शकतले, अशे सुवातेचेर लेगीत तो दाखयतले. खूब खेपे जाण्टे मनीस भुरग्यांच्यो समस्या फाफडून उडयतात. ल्हान ल्हान गजाली भुरग्यां खातीर कितल्यो म्हत्वाच्यो आसतात आनी तांचो तांचेर कसो परिणाम जाता तें तांकां समजना. क्लिंटन चित्रपटांत भुरग्यांचें नेणारपण पड्ड्याचेर दाखोवपाक मेळ्ळी आनी कालिम्पोंगचे बोर्डींग शाळेंतले भुरगेंपणांतले उगडास ताजे जाले, अशें पृथ्वीराज दासगुप्ता हांणी सांगलें.
दास गुप्ताच्या अणभवाचेर आदारला ‘क्लिंटन’
अस्तंत बंगालांतल्या कालिम्पोंग वाठारांतले बोर्डींग शाळेंतल्या तांच्या स्वताच्या अणभवांतल्यान तांकां ‘क्लिंटन’ ह्या चित्रपटाची प्रेरणा मेळ्ळी. शाळेंत दादागिरी करपी मनशा कडेन वेव्हार करतना 10 वर्सां पिरायेच्या क्लिंटनान दाखयिल्लें दयाळपण आनी धैर्याचेर आदारीत हो चित्रपट आसा. भुरगीं संवसाराक कशीं पळयतात आनी ताका कशी प्रतिसाद दितात हाचो धडो हो चित्रपट दिता. ‘क्लिंटन’ हें इंग्लीश भाशेंतलें नॉन फिचर फिल्म जें इफ्फींत भारतीय पॅनोरमा विभागाचो भाग आसा. इफ्फींतलो हो दिग्दर्शक पृथ्वीराज दास गुप्ता हांचो दुसरो चित्रपट.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
