भांगरभूंय | प्रतिनिधी
भांगरभूंय । प्रतिनिधी
काणकोणः पयलीं तेंपार आवय- बापूय फकत आपल्या चल्यांक शाळेंत धाडटाले. चलयांनी कित्याक शिकपाक जाय अशें त्या तेपा वयलो विचार आसतालो. सध्या काळ बदल्ला. चलयो शिकून आपल्या पालकांचें नांव वयर काडपाक लागल्यात. आयच बायलो नात अशें मळ दिसना. चले आपली लागणूक विसरपाक लागल्यात आनी चलयो आवय-बापायचो आदार जावपाक लागल्यात. तांचो खऱ्या अर्थान पालकाक आदार मेळटा अशें निवृत्त पुलील उपअधिक्षक संतोबा देसाय हांणी सांगलें.
चार रस्ते- काणकोण हांगच्या मल्लिकार्जुन विद्यालयाच्या शिशू वाटिका, पूर्व प्राथमीक, प्राथमीक, माध्यमीक आनी उच्च माध्यमीक फाट्यांच्या विद्यार्थ्यांच्या वर्सुकी स्नेहसंमेलनांत मुखेल सोयरे म्हणून ते उलयताले. ह्या वेळार माचयेर मल्लिकार्जून म्हाविद्यालायचे प्राचार्ड डॉ मनोज कामत, सेंत्रू प्रोमोतोर शिक्षण संस्थेच्या सर्वसादारण सभेचो अध्यक्ष राजेंद्र देसाय, सचीव पुंडलीक नायक गांवकार, भांडारी आरबीएस कोमरपंत, राम भगत आशिल्ले.
संतोबा देसाय हांणी संस्था कशी चलोवपाक जायहे विशीं मार्गदर्शन करतना विद्यार्थ्यांक फकत अभ्यास करतना वेवसायीक विशयांत लक्ष घालपाचो सल्लो दिलो. शाळेंत शिक्षक शिकयतात तितलें पुरो अशें पालकांनी म्हणपाक जायना. भुरग्यांच्या अभ्यासाचेर नदर दवोरपाक जाय. तांच्या हातांत मोबायल दिनास्तना पुस्तकां दिवपाक आय अशें मनोज कामत हांणे सांगलें.
शैलेश बेहरे आनी योगिता महाले हांणी मानेस्तांची वळक करून दिली. शांबा देसाय हांणी सुरवेक सगल्यांक येवकार दिलो. संतोबा देसाय हाचे हस्तुकीं विद्यालयांतल्या हुशार भुरग्यांक इनामां भेटयलीं. कार्यावळीचें सूत्रसंचालन कायतान फर्नांडीस हाणे आनी योजना नायक हिणे उपकार मानले.
——————————————————
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
