भांगरभूंय | प्रतिनिधी
बायलां परंपरीक भेस घालतात तेन्ना पांयजणां घालतात. तीं तांचे सोबितकायेंत आनीक भर घालतात. पांयजणां घाल्यार सोबितकाय वाडटाच आनी भलायकीय सुदारता. पांयजणांच्या आवाजांतल्यान सकारात्मक ऊर्जा निर्माण जाता.
पांयजणां घाल्यार कांय एक्यूप्रेशर पॉयंट्स दाबतात. तें भलायकेक फायद्याचें. रुपें तुमकां मानसीक आनी शरिरीक नदरेन घटमूट दवरता. पांयजणां घाल्ल्यान भलायकेचे फायदे जाता तें जाणून घेवया.
पांय दुखप बंद जाता
हे धांवपळीचे जिणेंत बायलां खुबदां पांय दुखतात अश्यो कागाळी करतात. अशें परिस्थितींत पांयांतलीं घालप गरजेचें. पांयजणां घाल्ल्यान पांय दुखपाच्यो समस्या पयस जावन आंगातलें दुबळेंपण पयसावता.
खोंटांची सूज उणी जाता
उंच खोंटीचीं सँडलां घाल्ल्यान खोंटीक सूज येता. ताका लागून पांय दुखतात. पांयाचीं बोटां दुखतात तेन्ना तुमी पांयजणां घालीत जाल्यार योग्य तरेन रगत घोळप जाता आनी तुमची दुख उणी जावन पांयांची सूज देंवता.
रोगप्रतिकार शक्तूय बरी उरता
फकत जेवणूच न्हय, तर पांयजणां घालपूय रोगप्रतिकार शक्त घटमूट करता. हाका लागून लिम्फ ग्रंथी सक्रीय जातात आनी रोगप्रतिकार शक्त घटमूट जाता. बळिश्ट रोगप्रतिकार शक्त आमकां जायत्या दुयेंसां आड झुजपाक आदार करता.
हार्मोनल समतोल राखता
जायत्या बायलांक हार्मोनल असंतुलनाक लागून बरेच त्रास जातात. हाका लागून वांझपण आनी अनियमीत मासीक पाळी सारकिल्ल्यो जायत्यो समस्या निर्माण जातात. अशे परिस्थितींत रुप्याचीं पांयजणां घालप फायद्याचें थारपाक शकता. पांयजणां तुमचे हार्मोन संतुळीत दवरतात.
शरीराचें तापमान
रुप्याचीं पांयजणां घालप म्हळ्यार शरीराचें तापमान बरें उरपाक मदत करता.
रगत घोळटा
अँकलेट्स घातल्ल्यान म्हत्वाचे पॉयंट्स दामतात. ताका लागून शरिरांत कंपन निर्माण जाता. ताका लागून रगत घोळप सुदारता. शरिराचे दुखापतींतल्यान विसव मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
