भांगरभूंय | प्रतिनिधी
मडगांव : जांबावलेचो फामाद श्री दामबाबाचो गुलालोत्सव मंगळार, ता. 14 मार्चाक मनयतले. दनपरा 3.30 वरांचेर श्री रामनाथ देवस्थानाच्या आंगणांत गुलालोत्सवाक सुरवात जातली. मठग्रामस्थ हिंदू सभे वतीन सगळी तयारी पुराय केल्या.
जाबांवलेच्या शिमगोत्सवाक बुधवारा सावन सुरवात जातली. फाटले स दीस धर्मीक विधी आनी सांस्कृतीक कार्यावळी आयोजीत केल्यात. लोकांची गैरसोय जावची न्हय देखून येरादारी पुलीस तैनात करतले.
श्री दामोदराची पालखी श्री रामनाथ देवळाच्या आंगणांत हाडून दवरतले आनी दनपरां गुलालोत्सव जाल्या उपरांत परतून देवळांत वतली. भाविकांनी श्री दामोदराच्या पालखेचेर गुलाल उधळल्या बगर भाविकांनी गुलालोत्सवाक आरंभ करचो न्हय आनी शिस्तीन श्रींचें दर्शन घेवचें. शुद्ध गुलालाचो वापर करचो असो उलो मठग्रामस्थ हिंदू सभेचे अध्यक्ष पांडुरांग उर्फ भाई नायक हांणी मारला. गुलालोत्सवा उपरांत रातच्या 11 वरांचेर नवरदेवाची वरात कार्यावळ जातली. उपरांत 12 वरांचेर संगीत सभा जातली. बुधवारा सकाळीं 11 वरांचेर जावपी धुळवटीन उत्सवाची सांगता जातली.
गुलालोत्सवा निमतान जांबावले पुलीस आवटपोस्ट सुरु केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
