भांगरभूंय | प्रतिनिधी
जर्मनींत भारतीय वेवसायीक बरेच मुखार आसात. हेर देशांतल्या वेवसायिकांचे तुळेंत भारतीय खास करून संशोधन वा तंत्रज्ञान मळार सगळ्यांत चड जोडटात. तांचें म्हयन्याचें उत्पन्न भारतीय चलनांत सुमार ५ लाख रुपया आसा. ह्या मळा वयल्या स्थलांतरीत गटांचें सुमार उत्पन्न दर म्हयन्याक २.६ लाख रुपया आसा.
पगाराचे बाबतींत भारतीय हेर देशांतल्यान आयिल्ल्या स्थलांतरितां परस फुडें आसाच. मात ते जर्मन लोकां परसूय फुडें आसात. फाटल्या वर्साच्या उत्पन्न वाढीचे आंकडे पळयल्यार भारतीयांच्या सरासरी पगारांत ५.१% वाड जाली, जाल्यार जर्मन कर्मचार्यांच्या पगारांत फकत ३.९% वाड जाली. लेखक एक्सल प्लुनेके हांच्या मतान, भारतीय लोक जर्मनींत सगळ्यांत चड जोडटात.
भारतीय वेवसायिकांक हेरां परस चड संदी मेळप हें ताचे फाटलें सगळ्यांत व्हड कारण. खरें म्हळ्यार जर्मनीन भायल्या लोकांक काम करपाची संद दिली तेन्ना भारतीयांक ही संद पयलीं मेळ्ळी. जर आमी युरोपियन युनियनांत वेवसायीक स्थलांतरांचो आंकडो पळयल्यार २०२२ चे निमाणे कडेन ४,५५,००० लोक वर्क व्हिसाचेर जर्मनींत रावताले. तातूंत चडशे भारतीय आशिल्ले. स्थलांतरितां मदले १३.५% भारतीय आशिल्ले.
स्टेम फिल्डांतूय भारतीय फुडें
स्टेम फिल्ड- विज्ञान, तंत्रज्ञान, अभियांत्रिकी आनी वेवस्थापनांत भारतीय हेर देशांच्या स्थलांतरितांचे तुळेंत बरेंच फुडें आसात. जर्मनीचे तुळेंत हे चौपट आसात.
देश आनी उत्पन्न
भारत ४.७२
ऑस्ट्रिया ४.४२
अमेरिका ४.३९
आयर्लंड/ब्रिटन ४.३३
चीन ४.०८
स्वित्झर्लंड ४.०२
ब्राझील ४.००
फ्रान्स ३.८०
जर्मनी ३.४२
उत्पन्न लाख रुपयांनी
भारत ३३.८%
चीन २५%
ब्राझील २२.६%
इराण १७.५%
जर्मनी ७.३%
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
