भांगरभूंय | प्रतिनिधी
जपानी आनी डच नागरीकय काजींच्या मोगांत
पणजीः अंदूचे वर्सा गोंयचो 53 टक्के काजू जर्मनींत निर्यात जाला. जर्मनी, जपान आनी नेदरलॅण्ड ह्या तीन देशांनी गोंयच्या काजींची निर्यात जाता, अशी म्हायती शेतकी आनी खाण उत्पन्न निर्यात उदरगत प्राधिकरण (एपीडा) हांणी दिल्या.
एपीडा हांणी जारी केल्ले आंकडेवारी प्रमाण, अंदूंचें अर्थीक वर्स 2025-26 त एप्रिल ते जुलय म्हयन्या मजगतीं ह्या तीन देशांनी 102 मेट्रीक टन काजू बियांची निर्यात जावन 1 मिलीयन डाॅलर म्हणल्यार 8.63 कोटीं रुपया इतलें मोल ह्या काजींक मेळ्ळां.
संवसार पांवड्यार सगळ्यांत चड जर्मनी गोंयच्या काजींच्या मोगांत आसात. 54.43 मेट्रीक टन इतली काजू निर्यात जावन 4.45 कोटी इतलें मोल फावो जालां. जाल्यार दुसरे सुवातेर जपानी आसात. जपानांत 31.75 मेट्रीक टन काजी निर्यात जावन 2.82 कोटी मेळ्ळ्यात. तिसरे सुवाते डच नागरीक आसात. नेदरलॅण्ड देशांत 15.88 मेट्रीक टन इतल्यो काजी निर्यात जावन 1.28 कोटी मोल मेळ्ळां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
