भांगरभूंय | प्रतिनिधी
वखद घेतकच दुयेंस गेलें जाल्यार दोतोराच्या रामबाण वखदान गुण पडलो अशें म्हणटात. खरेंच राम चराचरांत आसा. पुरो जालें जाल्यार जमनीर बसतना हे राम म्हणीत थपकल मारपी लोक अजून आसात.
जायते ते लोक देव देवळांत आसा म्हणटा. थोडे देवाक मनशां मदीं सोदतात. कांय जाणांचें मत देव जळी, थळी, काश्ठी, पाषाणी आसा. राम हो देव अर्थ, सामर्थ्यांत आसा. अयोध्येक पांचशें वर्सां वाट पळयले उपरांत श्रीरामाचो प्राणप्रतिश्ठापना सुवाळो करोडो भाविकांचे हाजेरींत जालो. भारत आनी सगलो संवसार ते दीस राममय जावन गेल्लो. तेन्नाच्यान प्रत्येकाच्या ओंठाचेर श्रीराम हो शब्द येता. खंयच्या जाग्यार वचात, भाजी मार्केट जावं वा बसस्टॅण्ड लोक एकमेकांक मेळटात तेन्ना जय श्रीराम म्हणटात. तें आयकून खूब समाधान दिसता.
दिसाचो पयलो प्रहर म्हणल्यार रामप्रहर. खेडेगांवांनी सकाळीं घरांतल्यान भायर सरले उपरांत कोणूय वळखीचो, अनोळखी मनीस मेळ्ळो काय आपशीच तोंडांतल्यान राम राम हीं उपरांत भायर पडटात. कोणाचोय निरोप घेतना राम राम म्हणटांत. आमचे सारके मनीस केन्नाच गुडमाॅर्निंग, गुडनायट, बाय बाय म्हणीनात. घरांतलो वेवसाय दोग भाव एकवटान सांबाळटात, तेन्ना तांकां रामलक्ष्मणाची जोडी म्हणटात. देवळांत पसून जायते फावटी राम, सीता हांचे जोडीक लक्ष्मण आसता. त्यो मुर्ती पळोवन मन प्रसन्न जाता.
आमचे संत तुकाराम बुवा आपल्या एका अभंगांत म्हणटात, आम्ही जातो अमुच्या गावा, अमुचा राम राम घ्यावा, अशें म्हणटात. एक तरफ लक्ष्मण एक तरफ सीता, बिच मे जगत के पालनहारी, रामजी की निकली सवारी हें सरगम सिनेमांतलें पद तर खूब हिट जाल्लें. आदल्या तेंपार आमची बायलां दात्यार धान्य दळटना ओवी गायतालीं. मदीं मदीं तीं जय श्रीराम म्हणटालीं. इतलो हो देव आमच्या अंतकरणांत लिपला. हिंदी सिनेमांनी तर राम प्रत्येक संवादांत येता. अजाप करपी घडणूक आयकली काय हाय राम म्हणटात. हाय राम गजब हुई गवा, अशेंय म्हणटात. हरे राम, रामा शिवा गोविंदा अशींय उतरां आयकूपाक येतात. वखद घेतकच दुयेंस गेलें जाल्यार दोतोराच्या रामबाण वखदान गुण पडलो अशें म्हणटात. खरेंच राम चराचरांत आसा. पुरो जालें जाल्यार जमनीर बसतना हे राम म्हणीत थपकल मारपी लोक अजून आसात. कोणूय मेलो जाल्यार ताका व्हरतना रामनाम सत्य है म्हणटात. कांय लोक न्हावन घरांत 108 फावटी रामाचें नांव घेतात. ही संवय खरेंच खूब बरी. कारण रामाचें नांव घेतकच संकश्टां पयस जातात.
– सिद्धी तिळवे
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
