भांगरभूंय | प्रतिनिधी
जयपूर, खबरां संस्था: जयपूर-अजमेर महामार्गार मंगळारा रातीं 10 वरांचेर एका रसायनाच्या टँकराचो एलपीजी गॅस सिलिंडर भरिल्ल्या ट्रकाक धपको दिलो. हाका लागून टँकराच्या कॅबिनांत उजो लागलो. उजो सिलिंडरांत पावतांच तांचो स्फोट जालो.
एका फाटल्यान एक 200 सिलिंडर फुटले. कांय 500 मिटर अंतराचेर शेतांत पडले. 10 किलोमीटर अंतरा मेन स्फोटांचे आवाज आयकूंक आयले. सुमार दोन वरां सिलिंडरांचो स्फोट जायतूच रावलो.
ह्या अपघातांत एक मनीस लासलो. 12 उजो पालोवपी दळाच्या गाडयांनी तीन वरांनी उजो नियंत्रणांत हाडलो. ट्रकांत सुमार 330 सिलेंडर आशिल्ले. एका प्रत्यक्षदर्शीन सांगलें, आरटीओची गाडी पळोवन टँकर चालकान गाडी ढाब्या वटेन वळयली. मजगतीं, तांणी गॅस सिलेंडरान भरिल्ल्या ट्रकाक धपको दिलो.
जयपूरच्या मोखमपुरा लागसार हो अपघात जालो. थंयच पार्क केल्ल्या वाहनांकूय उजो लागलो. हे घडणुके उपरांत महामार्गाचे दोनूय वटेनची येरादारी ठप्प जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
