भांगरभूंय | प्रतिनिधी
जयपूर, खबरां संस्था: जयपुराक ट्रक आनी जीप मदीं जाल्ल्या अपघातांत न्हंवरो-व्हंकले सयत पांच जाणांक मरण आयलें. जाल्यार ६ जाण जखमी जाले. मरण आयिल्ल्यांच्यो कुडी वाहनांत आडकून उरिल्ल्यो. खूब येत्न केले उपरांत तांकां भायर काडले. बुधवारा सकाळीं ६:१० वरांचेर दौसा- मनोहरपूर महामार्गार भटकबास गांवां लागसारा हो अपघात जालो.
थळाव्यांच्या म्हणण्या प्रमाण, दोनूय वाहनां एकामेका सामकार आदळ्ळीं. जीपींतले लोक लग्न सुवाळ्याक हजर रावन मध्यप्रदेशच्यान परतताले. जखमींक निम्स हॉस्पिटलांत दाखल केल्यात. जखमींचे सध्या जबाब घेतात. उपरांत कुटुंबांतल्या वांगड्यांक म्हायती दितात. लोकां कडल्यान म्हायती मेळटांच पुलीस पंगड घडणके सुवातेर पावलो. लोकांचे मजतीन कुडी भायर काडल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
