भांगरभूंय | प्रतिनिधी
श्रीनगर, खबरां संस्था: जम्मू-काश्मीरांतल्या बांदीपोरा जिल्ह्यांत लश्कराचें वाहन देगणांत कोसळून जाल्×ल्या अपघातांत तीन जवानांक मरण आयलें. जाल्यार दोग जाण जखमी आसात. हो अपघात बांदीपोरा जिल्ह्याच्या एस के पायन वाठारांत घडलो. ह्या मार्गावेल्यान वतना हें वाहन निसरून देंगणांत कोसळ्ळें. जखमी तीग जवानांक हॉस्पिटलांत दाखल केल्यात.
लश्कराच्या चिनार कोअरान ‘एक्स’चेर म्हायती दिल्ले प्रमाण, ‘‘बांदीपोरा जिल्ह्यांत कर्तव्याचेर आसतना वायट हवामान आनी उण्या दृश्यमानतेक लागून लश्कराचें वाहन देंगणांत कोसळ्ळें. थळाव्या काश्मिरींचे मजतीन जखमी जवानांक रोखडेच काडले. मात, ह्या दुर्दैवी अपघातांत तीग जवान शहीद जाले.’’ थळाव्यांनी रोखडीच केल्ले मजती खातीर लश्करान तांचे उपकार मानले.
पंदरा दिसांतलो तिसरो अपघात
जम्मू-काश्मीरांतलो फाटल्या १५ दिसांतलो हो तिसरो अपघात जावन आसा. पूंछ जिल्ह्यांतल्या मेंढर हांगा प्रत्यक्ष नियंत्रण रेशे लागसारा ३१ डिसेंबराक सैन्यदळाचें वाहन सुमार १०० फूट खोल देंगणांत कोसळिल्लें.
मजगतीं, २४ डिसेंबराक पूंछ जिल्ह्यांतल्या बलनोई सेक्टरांत शोधमोहिमेचेर आशिल्ल्या सैन्य दळाचें वाहन ३०० फूट खोल देंगणांत कोसळून पांच जवान शहीद जाल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
