भांगरभूंय | प्रतिनिधी
बंगळुरू, खबरां संस्था ः मैसूर शार उदरगत प्राधिकरणाच्या जमनी घोटाळ्याच्या (MUDA) प्रकरणांत मुख्यमंत्री सिद्धारामय्या हांचेर केल्ल्या आरोपांची चवकशी करपाक कर्नाटकाचे राज्यपाल थावर चंद गहलोत हांणी मान्यताय दिल्या. ते खातीर मुख्यमंत्री सिद्धारामय्या हांचेर खटलो चलतलो. आरटीआय कार्यकर्ते टी. जे. अब्राहाम हांचे वतीन दाखल केल्ले कागाळी उपरांत हो निर्णय घेतला. हाका लागून कर्नाटकांतलो राजकी तणाव वाडला.
नेमको आरोप कितें?
कर्नाटकाचे मुख्यमंत्री सिद्धरामय्या हांचेर MUDA वतीन केल्ले जमीन संपादन प्रकरणांत भानगज केल्ल्याचो आरोप आसा. सिद्धरामय्या हांणी हे प्रकरणांत भानगड करून ताचे घरकान्नीक फायदो करुन दिलो. सिद्धरामय्या हांणी सुरवेक हे आरोप न्हयकारले. मुख्यमंत्री म्हूण हातूंत आपूण हस्तक्षेप करूंक ना असोय दावो तांणी केल्लो. पूण आतां राज्यपाल थावर चंद गहलोत हांणी तांचे आड खटलो चलोवपाची संमती दिल्या.
नेमके प्रकरण कितें?
2021 वर्सा MUDA उदरगती खातीर केसर नांवाच्या गांवांत तीन एकर जमीनीचे संपादन केल्लें. ते उपरांत मैसूरांतल्या विजयनगर शारांत जमनी परतून संपादन केली. आतां ह्या प्रकरणांत याचिकादारांनी दावो केलां की, जी जमनीचें संपादन केलें ताचे बाजारमोल चड आशिल्लें. पूण आमकां ताचो मोबदलो उणो दिलो. आतां ह्या प्रकरणांत सिद्धरामय्या हांचे नांव आयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
