भांगरभूंय | प्रतिनिधी
म्हजें मत
गोंयांत सामान्यपणान फॉर्म 1/14 च्या “हेर हक्क” स्तंभांत आशिल्ल्या मनशाचें नांव जमनीचें फाळणी अद्ययावत प्रक्रियेंत वगडावंक मेळना. योग्य प्रक्रिया आनी सैमीक न्यायाच्या तत्वां प्रमाण सगळ्या इत्सूक पक्षांक मालमत्तेंतल्या तांच्या कायदेशीर हक्कांचेर परिणाम जावंक शकता अशे खंयचेय कृतीची कळोवणी दिवची पडटा.
गोंय भूंय महसूल संहितेच्या कलम 61 खाला फाळणीचो अर्ज दाखल करतना संबंदीत अधिकाऱ्यांनी फॉर्म 1/14 त उल्लेख केल्ल्या सगळ्या इत्सूक विरोधकांक/ सहधारकांक आनी हेर इत्सूक पक्षांक, कुळ आनी हेर हक्कधारकां सयत औपचारीक सुचोवणी जारी करची पडटा.
प्रस्तावीत फाळणी वा जमनीच्या नोंदींतल्या बदलांक आक्षेप घेवपाची संद सगळ्या इत्सूक पक्षांक दिवप हो कळोवणेचो हेतू आसा. नोटीस काळा उपरांत कसलीच हरकत मेळ्ळी ना जाल्यार अधिकाऱ्यांनी फाळणी आनी मर्यादा घालपाची प्रक्रिया फुडें व्हरूंक शकता.
गोंय भूंय महसूल संहिता, 1968 आनी ताचे संबंदीत नेमांत उत्परिवर्तन (नोंदणी बदलप) आनी विभाजन हांचेविशीं विशिश्ट कार्यपद्दतीची रुपरेखा दिल्या, तातूंत सुचोवणी जारी करप आनी योग्य प्रक्रिया पाळप हांचो आस्पाव जाता. विभाजना वरवीं जमनीचो हक्क मेळोवपी खंयच्याय व्यक्तीन संपादनाचो अहवाल दिवचो पडटा आनी नोंदी अद्ययावत करपा खातीर अधिकार् यांनी व्याख्या केल्ली प्रक्रिया पाळची पडटा.
फॉर्म 1/14 त नोंदी अचूक आसात अशें मानतात. कळयले बगर नांवां काडून उडोवप हें हे स्थापन केल्ले कायदेशीर प्रक्रियेचें उल्लंघन! विभाजीत जमनीचो नवो सर्वेक्षण क्रमांक तयार करतना हेर मालकी हक्कधारकांचीं नांवां कसलोच आदेश दिनासतना वगळावप हो घोटाळो, कारण वांटून घेतिल्लो वाठार 20700 चौखण मिटर आसा. ही फायल विरोधी फुडाऱ्यांक धाडपाची आसा. हे जमनीचें मोल सुमार ₹125 कोटी आसा.
राजेश बाणावलीकार,
हडफडे
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
