भांगरभूंय | प्रतिनिधी
हिंदी सिनेमांनी केन्ना कितें हीट जायत तें सांगपाक येना. हो जमानो सोशल मिडियाचो. मागीर आदलीं पदां अचकीत वयर सरतात आनी ताचेर तरणाट्यांनी केल्ले नाच हजारांनी, लाखांनी लोक पळयतात. हालींच ‘एनिमल’ हो अतिहिंसक सिनेमा आयलो. तो हिंदी सिनेसृश्टींतलो आतां मेरेनचो सुपरहिट सिनेमा जावपाचे वाटेर आसा. तातूंत प्रत्यक्षात घडपाक शकनात असल्योय गजाली घडटना दिसतात. सिनेमा वांगडा तातूंतलें एक गीत सुपरहीट जाला. ताचो व्हिडियो ६ डिसेंबराक युट्यूबाचेर रिलीज जाल्लो. तो आतां मेरेन २ कोटी ३ लाखां वयर लोकांनी पळयला. ताचेर आतां व्हिडियो येवपाची शक्यताय आसा. ह्या पदाचें नांव आसा, जमाल कुडू.
एनिमल सिनेमांत अब्रार हकाची (बाॅबी देवल) पड्ड्याचेर एंट्री जाता, तेन्ना हें पद वाजता. तकलेर सोऱ्याचो ग्लास दवरून असोच नाच नाना पाटेकारानूय एका सिनेमांत केला. मात बाॅबीचो नाच चड लोकप्रीय जालो. हें पद सोनिक, हर्षिता, किर्तना आनी वाग्वदेवी हांणी गायलां. तें फारशी भाशेंत आसा.
‘जमाल कुडू’ हें पद संगीतकार हर्षवर्धन रामेश्वर हांणी तयार केलां. तातूंत कांय भुरगीं ताळयो वाजयत गायतना आयकूंक येता. पड्ड्याचेर मात भुरग्यां वांगडा तरणाट्यो चलयोय गातना दिसतात. हें पद द. इराणांतल्या ‘जमाल जमालू’ पदा वयल्यान तयार केलां. सगल्यांत पयलीं हें पद १९५० वर्सा खराझेमी गर्ल्स हायस्कूलाच्या शिराझी काॅयर पंगडान सादर केल्लें. ह्याच नांवाची कवी बिजान समंदर हांची एक कविता आसा. ताचे वयल्यान तें तयार केल्लें. कांय काळांत इराणांतल्या दरेका लग्नसुवाळ्यांत तें सादर जावपाक लागलें.
ह्या पदाचो अर्थ सादारण असो, काळ्या दोळ्यांचे हे सुंदरी, तुजे घातकी वृत्तीन म्हज्या काळजाचे कुडके करूं नाका. तुंवें म्हाका सोडलो. एका नव्या प्रवासाक वचपाक भायर सरलें आनी हांव मजनू सारको पिसो भोंवडेकार जालां. मोगा, म्हज्या काळजा कडेन अशें खेळूं नाका.
जमाल जमालेक जमालू जमाल कुडू हाचो अर्थ ‘ओ, म्हज्या मोगा, म्हज्या लाडक्या, तुजी सोबीतकाय आतां पर्जळींत जावं’. इराणी गोरी चली आनी झांजिबारांतलो आफ्रो- इराणीयन तरणाटो हांचें दक्षीण इराणांतलें हें द्वंद्वगीत. तो तिका नाचपाक, गावपाक सांगता. ह्या पदांत दोन वंशां मदलो संगम दाखयला.
गोंयांत उदयबाब भेंब्रे हांचें ‘चान्न्याचे रातीं’ हें पद जशें लोकगीत जालां, तशेंच हें इराणांतले फारसी भाशेंतलें गीत लोकगीत, लग्नगीत जालां. इराणी लोक ताका आपले संस्कृतायेचो एक वांटो मानतात.
–
‘एनिमल’ सिनेमांतलें पद. मूळ पदूय अशेंच आसा. मदीं इंग्लिशींत अर्थ दिला.
Vay Siyah Zangi Delamo Nakon Khun
Vay To Rafti Safar Shodam Cho Majnun
(Don’t crush my heart, black-eyed beauty, with your brutality
Oh, you abandoned me, and I became a traveller like Majnu)
Hala Jamal Jamala Jamaloo Jamal Kudu
Jamal Jamala Jamaloo Jamal Kudu
(Now let the beauty shine, shine, shine, shine
Beauty, let it shine, let it shine, let it shine)
Jamal Jamala Jamaloo Jamal Kudu
Jamal Jamala Jamaloo Jamal Kudu
Let the beauty shine, shine, shine
Allow your beauty to shine; allow it to shine
Del Tumakhteki Sineh
Oye Aarum Nami Shineh
Hel Yosa Halel Yosa
Aishraar Nimi Khosa
Ey Maar Maar Seeneh
Belajoon Belajoon Bela
Ey Kertoko Manaye
Bechatun Bechatun Becha
Ey Maar Maar Seeneh
Belajoon Belajoon Bela
Ey Kertoko Manaye
Bechatoon Bechatoon Becha
Jamal Jamala Jamaloo Jamal Kudu
Jamal Jamala Jamaloo Jamal Kudu
Vay Siyah Zangi Delamo Nakon Khun
Vay To Rafti Safar Shodam Cho Majnun
Vay Siyah Zangi Delamo Nakon Khun
Vay To Rafti Safar Shodam Cho Majnun
Jamal Jamala Jamaloo Jamal Kudu
Jamal Jamala Jamaloo Jamal Kudu
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
